Accessibility links

Кайнар хәбәр

Çuwaşstanda Narodnıy digän yaña tör ipi peşerä başladılar


Rusiäneñ Xalıq firqäse dip atalğan partiäneñ Çuwaşstan bülekçäse üzeneñ yarannarın arttırır öçen ber ısul uylap tapqan. Xleb dip atalğan ipi peşerü oyışması belän berlektä Narodnıy digän yaña tör ipi peşerä başlağannar. Mondıy ipi peşerep xalıqqa başqa tör ipilärdän oçsızraqqa satu ısulın älegä Däwlät Dumasında deputat känäfiendä utıruçı federal' çuaş milli-mädäni avtonomiäse räise Anatoliy Aksakov uylap tapqan ikän. Deputat äfändeneñ süzlärenä qarağanda, Rusiä xalqınıñ iñ yaratqan rizığı - arış ipie ikän. Şuña kürä, xalıq küñelenä aşqazannı qara ipi belän tutırıp, partiä säyäsätenä mäxäbbät uyatu şaqtıy säyäsi divedentlar birer dip kötelä. Rusiä xalqı känişne aq ipigä xäle bulmağanğa qara ipi yarata inde ul. Ä xalıq firqäse qara ipi belen sıylawnı däwam itä tora.

Qışnıñ salqın könnäre Çabaqsar citäkçeläre öçen şaqtıy ğına problemalar kiterep çığardı. İnde ike atna buyına Çabaqsar yortların cılıtu öçen rezervtağı, yäğni, xalıqça äytkändä, zapastağı mazut qullanıla. Ä rezervtağı mazut bu ay axırlarına xätle citärlek kenä ikän. Närsä bulır. Älegä bereü dä berni äytkäne yuq.
XS
SM
MD
LG