Törkiä xökümäte Kiprdağı grek häm törek tarafların berläşterü turındağı söyläşülärgä yañaça qararğa wäğdä birde. Söyläşülär BMO General’ Sekretare Kofi Annannıñ Kiprnı, urtaq xökümätkä iä bulğan, ike tigez däwlätneñ federatsiäse itep tözü turındağı täqdime nigezendä bara. BMO bu täqdim belän berençe märtäbä noyäbr ayında çıqtı. Ul Kiprnıñ grek öleşe 2004-nçe yılda Yewropa Berlegenä quşılğançığa qädär utrawdağı taraflarnı berläşterergä çaqıra. Bügen Gretsiä Törkiäne söyläşülärdä konstruktivıraq pozitsiädä bulırğa çaqırğan ide. Gretsiä utrawnı üzenä quşarğa telägännän soñ 1974-nçe yılda Törkiä Kiprnıñ tönyaq öleşen yawlap alıp, Kipr ikegä bülengän ide.
