Accessibility links

Кайнар хәбәр

Dönya Bankı wäkile Törkiägä kilde


Änkara. Dönya Bankınıñ Yewropa häm Üzäk Aziä öçen cawaplı vitse-prezidentı Johannes Linn comğa könne Änkarada, törek xökümäte wäkilläre belän oçraşıp, ilneñ iqtisadın torğızu çaraları xaqında söyläşülär alıp bardı. Törkiägä zur wäkillek ozatuwında kilgän Linn ayırım alğanda, yaña törek xökümätendäge finans ministrı Kemal Unakitan belän oçraştı. Anıñ biredä premyer-ministr Abdulla Göl, iqtisad ministrı Ali Babacan häm mäğärif ministrı Erkan Mumcu belän dä söyläşülär ütkärüwe qaralğan. Soñğı aralarda Törkiä, üzeneñ zamança tarixındağı iñ awır iqtisadi krizislarınıñ bersen kiçerä, häm Dönya Bankı aña bu uñaydan berniçä märtäbä burıç birgän ide. Kiçä Änkarada şulay uq Xalıqara Valüta Fondı başlığınıñ urınbasarı Anne Krueger da bulıp kitte, üz söyläşülärendä ul şuşı Fond ximayäsendäge programmalar mäs’äläsen tikşerde. Säfäre azağında yasağan maxsus belderüwendä Krueger, finans yardämneñ çirattağı öleşen birer aldınnan Fond törek xökümäteneñ ğämäli eşen kürergä telär ide dip äytte.
XS
SM
MD
LG