Rusiä prezidentınıñ Zavidovo utırmasında jurnalistlar aldında çığış yasap, İtalia premier-ministrı Silvio Berlusconi, bez bu köräştä berdäm bulırğa tieş, dip äytte. Berlusconi Rusiägä Ğiraq mäsäläsendä söyläşülär alıp baru öçen kilde. Monıñ aldınnan ul berniçä Könbatış citäkçese belän oçraştı, şul isäptän, Amerikan prezidentı George Buş, Britan premier-ministrı Tony Blair, Germania kanslerı Gerhard Şröder häm Fransiä prezidentı Jak Şirak belän. Berlusconi, Putinnı şul söyläşülär eçtälege belän tanıştırırğa ciena. İke il arasında iqtisadi bäyläneşlär, şulay uq kön tärtibendä bulır dip kötelä.
