Berläşkän Millätlärneñ yaña Ğiraq qararı mäs’äläsendä prezident Bush, bulsa şäp, bulmasa da Quşma Ştatlar Bagdadnı qoralsızlandıru eşen üze genä dä başlap cibärä ala digän qaraşta tora. Atnakiç ul şuşı fikeren yänä ber qabatladı, Aq yort aşığıç räweştä oyıştırğan oçraşuda George Bush, şik tä yuq, Saddam qaçış uyınarınıñ soñğı minutın kiçerä, uyın asılda tämam dip belderde. Ğiraq diktatorın inde tuqtatu kiräklegeneñ säbäplären ul bolay bilgeläde.
Audio
Saddam Xösäyenneñ amerikan xalqına yanaw öçen üz säbäpläre, çaraları, başsızlığı häm näfräte citärlek, Saddam Xösäyen tuqtatılaçaq dip kisätä Quşma Ştatlar prezidentı. Anıñ süzlärenä qarağanda, Saddamğa soñğı mömkinlek birelgän bulğan, läkin ul anı faydalanmağan häm inde şulay itep üz yulın saylağan.
Audio
Saddam üz yulın sayladı, häm xäzer İminlek Şurasındağı däwlätlär dä üzeneken saylarğa tieş dip isäpli George Bush. Aq yortta yasağan çığışında amerikan prezidentı İminlek Şurasında Ğiraq mäs’äläsendä yaña qarar qabul itü kiräklegenä dä qağıldı. Mäğlüm ki, küp kenä illär Bagdadqa qarşı suğışnı barı tik Berläşkän Millätlärneñ fatixası belän genä başlap bula dip isäpli, ä monıñ öçen isä İminlek Şurasınıñ Ğiraqqa qarşı xärbi köç qullanunı röxsät itkän yaña ber qararı kiräk. Ğämäldä bulğan 1441-nçe qarar barı tik, Bagdad xalıqara inspeksiä belän tieşle däräcädä xezmättäşlek itmägän xäldä anı citdi näticälär belän genä kisätä. Bu uñaydan prezident Bush, Berläşkän Millätlärneñ andıy qırısraq qararı amerikan citäkçelege yağınnan hiçşiksez xuplap qarşı alınaçaq, läkin bu eş Şurada bik ozaqqa suzıla ikän, Quşma Ştatlar Ğiraqnı qoralsızlandıruğa Berläşkän Millätlärneñ fatixasınnan başqa ğına da kereşäçäk dip belderde. Prezident üzeneñ täwäkällegen yuğarıda kiterelgän süzlär belän añlattı – Saddamnıñ amerikannarğa näfräte citärlek, alarğa yanaw öçen çaraları da bar, şuña kürä anı tuqtatırğa kiräk häm ägär dä Berläşkän Millätlär bu eştän çitläşä ikän, Quşma Ştatlar monı üzläre dä eşli ala. Prezident şuşı belderüwen yasağanda Pentagon Farsı qultığı töbägenä kiläse atnalarda tağın 50-60 meñläp ğäskäri cibärü ämeren äzerli ide. Quşma Ştatlarnıñ saqlanu ministrlığı wäkilläre äytüwençä, fivral azağında Ğiraq tiräsendä 200 meñläp amerikan xärbie tuplanaçaq häm Waşington mart başlarında Ğiraq suğışın başlap cibärerlek qüwättä bulaçaq. Älegä Aq yort bar tırışlıqların İminlek Şurasına häm anıñ äğzalarına yünälderep, anda Ğiraqqa qarşı xärbi çaralar kürüne yaqlağan yaña qarar qabul itügä yünälderä. Berük waqıtta Waşington üzeneñ şul yaña qararnı, ul şunda uq qabul itelerlek bulğan oçraqta ğına yaqlawın belderä. Bu isä üz çiratında, Ğiraq suğışına qarşı çıqqan illär, bigräk tä Şuranıñ daimi äğzaları Fransiä, Rusiä häm Qıtay belän ügetläw eşläre alıp barunı taläp itä. Qıtay ğädättägeçä, Rusiä häm Fransiä qarşı çıqmasa, üzeneñ qararğa veto salmayaçağına işarä itä. Mäskäw belän Paris arasında amerikannar öçen iñ qatlawlı eş fransuzlar belän bulır kebek, Bush härxäldä üzeneñ Putin belän tizräk kileşä aluwına ömetlänä.
Audio
Saddam Xösäyenneñ amerikan xalqına yanaw öçen üz säbäpläre, çaraları, başsızlığı häm näfräte citärlek, Saddam Xösäyen tuqtatılaçaq dip kisätä Quşma Ştatlar prezidentı. Anıñ süzlärenä qarağanda, Saddamğa soñğı mömkinlek birelgän bulğan, läkin ul anı faydalanmağan häm inde şulay itep üz yulın saylağan.
Audio
Saddam üz yulın sayladı, häm xäzer İminlek Şurasındağı däwlätlär dä üzeneken saylarğa tieş dip isäpli George Bush. Aq yortta yasağan çığışında amerikan prezidentı İminlek Şurasında Ğiraq mäs’äläsendä yaña qarar qabul itü kiräklegenä dä qağıldı. Mäğlüm ki, küp kenä illär Bagdadqa qarşı suğışnı barı tik Berläşkän Millätlärneñ fatixası belän genä başlap bula dip isäpli, ä monıñ öçen isä İminlek Şurasınıñ Ğiraqqa qarşı xärbi köç qullanunı röxsät itkän yaña ber qararı kiräk. Ğämäldä bulğan 1441-nçe qarar barı tik, Bagdad xalıqara inspeksiä belän tieşle däräcädä xezmättäşlek itmägän xäldä anı citdi näticälär belän genä kisätä. Bu uñaydan prezident Bush, Berläşkän Millätlärneñ andıy qırısraq qararı amerikan citäkçelege yağınnan hiçşiksez xuplap qarşı alınaçaq, läkin bu eş Şurada bik ozaqqa suzıla ikän, Quşma Ştatlar Ğiraqnı qoralsızlandıruğa Berläşkän Millätlärneñ fatixasınnan başqa ğına da kereşäçäk dip belderde. Prezident üzeneñ täwäkällegen yuğarıda kiterelgän süzlär belän añlattı – Saddamnıñ amerikannarğa näfräte citärlek, alarğa yanaw öçen çaraları da bar, şuña kürä anı tuqtatırğa kiräk häm ägär dä Berläşkän Millätlär bu eştän çitläşä ikän, Quşma Ştatlar monı üzläre dä eşli ala. Prezident şuşı belderüwen yasağanda Pentagon Farsı qultığı töbägenä kiläse atnalarda tağın 50-60 meñläp ğäskäri cibärü ämeren äzerli ide. Quşma Ştatlarnıñ saqlanu ministrlığı wäkilläre äytüwençä, fivral azağında Ğiraq tiräsendä 200 meñläp amerikan xärbie tuplanaçaq häm Waşington mart başlarında Ğiraq suğışın başlap cibärerlek qüwättä bulaçaq. Älegä Aq yort bar tırışlıqların İminlek Şurasına häm anıñ äğzalarına yünälderep, anda Ğiraqqa qarşı xärbi çaralar kürüne yaqlağan yaña qarar qabul itügä yünälderä. Berük waqıtta Waşington üzeneñ şul yaña qararnı, ul şunda uq qabul itelerlek bulğan oçraqta ğına yaqlawın belderä. Bu isä üz çiratında, Ğiraq suğışına qarşı çıqqan illär, bigräk tä Şuranıñ daimi äğzaları Fransiä, Rusiä häm Qıtay belän ügetläw eşläre alıp barunı taläp itä. Qıtay ğädättägeçä, Rusiä häm Fransiä qarşı çıqmasa, üzeneñ qararğa veto salmayaçağına işarä itä. Mäskäw belän Paris arasında amerikannar öçen iñ qatlawlı eş fransuzlar belän bulır kebek, Bush härxäldä üzeneñ Putin belän tizräk kileşä aluwına ömetlänä.