Accessibility links

Qazanda atom stansiäsenä qarşı piket ütte


Tabiğät turında ğına ber yañalıqnı bügen äytäbez. Şimbä könne universitet qarşında ekologlar piketı häm cıyılışı buldı. Monda cıyılğan “yäşellär” häm atom töş energiäsenä qarşı xäräkät aktivistları atom stansiäläreneñ zıyanı turında söylädelär. Aldağı köndä Qazanda Çiläbe ölkäseneñ Qunaşaq rayonında bulğan atom töş faciğası qorbannarı turında fotoräsemnär kürgäzmäse açıldı. Anda Möslim awılınnan kilgän millättäşlärebez dä bar ide. Ul yaqlarda yäşäwçelärneñ yartısınnan kübese yä bik tiz wafat bula, yä ğäriplänep awırıp yäşi ikän. 20 fivraldä açılaçaq Däwlät Şurası sessiäsendä Tatarstan atom stansiäseneñ tözeleşen yañadan canlandıru mömkinlege turındağı mäsälä kön tärtibennän töşerep qaldırılğan. Ekspertiza öçen Däwlät Şurası qararı kiräkmi, ä atom stansiäsen tözü turında citdi süz quzğatu xäzerge köndä çamadan tış tawış kütärergä mömkin dip sanağannar, küräseñ.
XS
SM
MD
LG