Accessibility links

Ärmänstan prezidentı R.Koçarian ikençe möddäten başladı


Ärmänstan başqalasında meñlägän oppozitsiäneñ qarşılıq çarası uzdırğanda prezident Robert Koçarian üzeneñ ikençe möddätenä ant kiterde. İnauguratsiä uzğan şähär üzägen politsiä yabıp quyğan, protest belderüçelär politsiä häm eçke iminlek köçlären bärep kerergä tırışqanda ber-niçä keşe yaralanğan. Uram cıyınında qatnaşqannarnıñ qayberläre qulğa alınğan dip xäbär itelä. Protest çaraların saylawlarda Koçariannıñ köndäşe bulğan Stepan Demirçian citäkçelegendäge oppozitsiä oyıştırdı. 5nçe mart könne uzğan saylawlar näticälären Demirçian döres tügel dip atadı. Xalıqara küzätüçelär dä prezident saylawlarında qanun bozular buluın rasladı. Läkin Koçarian, qayber citeşsezleklär buluın tanısa da, alarnıñ saylaw näticälärenä tä’sir itmägänen belederde.
XS
SM
MD
LG