Törkiäneñ könyaqkönçığışında bulğan köçle cir terträw kimendä 84 keşeneñ ğömeren özde, 400gä yaqın keşe cärähätlär aldı. Töbäkkä premyer-ministr Recep Tayyip Erdoğan häm Sänäğät ministrı Ali Coşkun kilde. Bingöl töbägendä internatta bulğan 195 balanıñ kübese cimerek bina astında qalğan. Mäktäptäge bu faciğne barıp kürgän premyer Erdoğan, “qızğanıçqa qarşı internatta yäşägän 195 sabıynıñ kübese bina astında qaldı, qotqaru eşläre däwam itä”, dip belderde.
Prezident Ahmet Necdet Sezer, ul balalarnıñ isän çığarıluına ömetlänüen äytte. Bingöl däwlät xastaxanäse yardäm sorap başqa şähärlärgä möräcäğät itte. Törkiäneñ Anadolu mäğlümat agentlığı xäbär itüençä Qızıl Yarımay oyışması bu töbäkkä çatırlar, yurğannar, küçmä aşarğa peşerü cihazları, cılıtqıçlar, aşığıç yardäm kiräk-yaraqları häm 4 tonna azıq-tölek cibärgän. Germaniä qotqaruçılarnı cibärde.
Bu töbäktä 1971nçe yılda bulğan cir teträwdä 900 keşe häläk bulğan ide.
