Yäkşämbe könne Baqı uramnarınnan meñnärçä keşe prezident Alievnıñ xakimiättän kitüen häm waqıtınnan elek saylawlar ütkärelüen taläp itüçe şiğarlär qıçqırıp uzdı. France Presse agentlığı anda 5 meñläp keşe qatnaştı dip xäbär itä. Ämma Aliev üze bu könnärdä Baqıda tügel. Azärbäycan räsmiläre äytüençä, ul bu atna axırında Baqıda ütäçäk oçraşular aldınnan Ankaranıñ Gulhane xärbi xastaxanäsendä sälamätlegen tikşertä.
Azärbäycannıñ Törkiädäge ilçese Mehmet Aliev jurnalistlarğa prezidentnıñ sälamätlege bik yaxşı dip belderde. Törkiäneñ Anadolu agentlığı prezident Aliev barı tik ğädäti tikşerü genä ütä dip xäbär itä. Azärbäycan sälamätlek saqlaw ministrı Ali İsanov ta prezidetnıñ bernindi sälamätlek problemaları da yuq dip ışandırdı. Anıñ äytüençä, Alievqa operatsiä yasaw zarurlığı yuq häm ul tizdän Baqığa qaytaçaq.
Ämma Alievnıñ sälamätlege bik yaxşı buluına ışanuı qiın. İke atna elek Baqıda xärbi akademiädä çığış yasağanda ul kisäk yörägen totıp awırtuğa zarlanğan ide. Televidenie bu waqıyğanı translätsiäläwne kisäk tuqtatırğa mäcbür buldı. Alievnı yardämçeläre alıp kitte häm ul 15 minuttan soñ ğına yañadan cämäğätçelek aldına çığıp süzen däwam itte. Tağın 15 minuttan ul artqa taba yığılıp kitte häm tabiblar yardämennän soñ ğına çığışın tämamlıy aldı. Prezidentnıñ matbuğat xezmäte ul çaqta Alievnıñ qan basımı kisäk töşkän dip belderde.
Londondağı Yewraziä mäs’äläläre belgeçe Mevlit Katik bu waqıyğadan soñ Alievnıñ xakimiättä qalu-qalmawı aña qarşı demonstratsilärdän bigräk anıñ sälamätlegenä bäyle bulaçaq dip belderde. Alievnıñ elektän ük sälamätlek problemaları buluı mäğlüm. 1999-nçı yılda ul Ankaradağı şul uq xastaxanädä tın yulları infeksiäsennän däwalanğan ide. Häm şul yılda AQŞnıñ Kleveland şähärendä anıñ yörägenä operatsiä yasadılar. Soñraq şul uq xastaxanädä ul prostata operatsiäse kiçerde häm küz bäbäge elpäsen aldırdı. İke ay elek kenä aña şul uq Cleveland xastaxanäsendä büser operatsiäse yasaldı.
Yewraziä analitigı Katik uzğan atna axırında Alievnıñ Ankarağa kilüe säyer räweştä ser pärdäse belän qaplanğan ide di:
AUDİO: Soñğı berniçä yılda Aliev yöräk öyänäkläre kiçerde. Ämma, ni ğäcäp, anıñ xakimiättä qalu-qalmawı turında imeş-mimeşlär artqannan arta barsa da, ul härber operatsiädän soñ wazıyfasına kire qayta kilde. Tik bu yulı Törkiägä xastaxanägä kilü turında bernindi räsmi belderü bulmawı ğäcäp. Şulay da yäkşämbe könne anıñ matbuğat xezmäte bu xäbärne rasladı häm, matbuğat çaraları äytüençä, qayber çığanaqlar xärbi xastaxanädä tikşerü ütüe turında beldergän. Ämma älegä bernindi täfsille mäğlümät birelmi.
Sälamätlege turında imeş-mimeşlärgä qaramastan, uzğan atnada Prezident idaräse başlığı Ali Xäsänov Alievnıñ üktäbr ayında ütäçäk prezident saylawlarında öçençe möddätkä saylanırğa cıyınuın rasladı.
Azärbäycanda älegä açıqtan açıq Alievnıñ warisı dip qaraluçı şäxes kürenmi. Qayber küzätüçelär fikerençä, ägär dä ul wazıyfasınnan kitsä, ildä xakimiät buşlığı barlıqqa kilergä, säyäsi ığı-zığı başlanırğa mömkin. Soñğı 3 distä yılnıñ küpçelek öleşendä Azärbäycan Aliev citäkçelegendä buldı.
Kayber küzätüçelär xäzer Azärbäyanda kiläçäk prezident itep Alievnıñ ulı İlhamnı äzerlilär digän fikerdä. Ämma başqa ber küzätüçelär Aliev kitkännän soñ Azärbäycanda xakimiät öçen tärtipsez bäreleşlär başlanırğa mömkin dip isäpli. İlham, däwlät neft’ şirkäte vitse prezidentlarınıñ berse bulsa da, yış qına säyäsi çığışlar yasap eçke häm tışqı säyäsät turında fikeren belderep kilsä dä, törle säyäsi partiälär häm xakimiätne totuçı Naxiçevan ıruı xakimiätneñ aña tapşırıluına riza bulmasqa mömkin.
Xäzergä isä Baqıda başqa ber waqıyğağa, prezidentnığ 80 yäşlek yubileyına äzerlänälär. Comğağa bilgelängän bäyräm tantanalarına töbäktäge başqa däwlät citäkçeläre belän bergä Russiä prezidentı Vladimir Putin da çaqırılğan. Räsmilär Aliev tuğan könen Baqıda qarşılıyaçaq dip ışandıra.
Naif Aqmal, Praga.
Azärbäycannıñ Törkiädäge ilçese Mehmet Aliev jurnalistlarğa prezidentnıñ sälamätlege bik yaxşı dip belderde. Törkiäneñ Anadolu agentlığı prezident Aliev barı tik ğädäti tikşerü genä ütä dip xäbär itä. Azärbäycan sälamätlek saqlaw ministrı Ali İsanov ta prezidetnıñ bernindi sälamätlek problemaları da yuq dip ışandırdı. Anıñ äytüençä, Alievqa operatsiä yasaw zarurlığı yuq häm ul tizdän Baqığa qaytaçaq.
Ämma Alievnıñ sälamätlege bik yaxşı buluına ışanuı qiın. İke atna elek Baqıda xärbi akademiädä çığış yasağanda ul kisäk yörägen totıp awırtuğa zarlanğan ide. Televidenie bu waqıyğanı translätsiäläwne kisäk tuqtatırğa mäcbür buldı. Alievnı yardämçeläre alıp kitte häm ul 15 minuttan soñ ğına yañadan cämäğätçelek aldına çığıp süzen däwam itte. Tağın 15 minuttan ul artqa taba yığılıp kitte häm tabiblar yardämennän soñ ğına çığışın tämamlıy aldı. Prezidentnıñ matbuğat xezmäte ul çaqta Alievnıñ qan basımı kisäk töşkän dip belderde.
Londondağı Yewraziä mäs’äläläre belgeçe Mevlit Katik bu waqıyğadan soñ Alievnıñ xakimiättä qalu-qalmawı aña qarşı demonstratsilärdän bigräk anıñ sälamätlegenä bäyle bulaçaq dip belderde. Alievnıñ elektän ük sälamätlek problemaları buluı mäğlüm. 1999-nçı yılda ul Ankaradağı şul uq xastaxanädä tın yulları infeksiäsennän däwalanğan ide. Häm şul yılda AQŞnıñ Kleveland şähärendä anıñ yörägenä operatsiä yasadılar. Soñraq şul uq xastaxanädä ul prostata operatsiäse kiçerde häm küz bäbäge elpäsen aldırdı. İke ay elek kenä aña şul uq Cleveland xastaxanäsendä büser operatsiäse yasaldı.
Yewraziä analitigı Katik uzğan atna axırında Alievnıñ Ankarağa kilüe säyer räweştä ser pärdäse belän qaplanğan ide di:
AUDİO: Soñğı berniçä yılda Aliev yöräk öyänäkläre kiçerde. Ämma, ni ğäcäp, anıñ xakimiättä qalu-qalmawı turında imeş-mimeşlär artqannan arta barsa da, ul härber operatsiädän soñ wazıyfasına kire qayta kilde. Tik bu yulı Törkiägä xastaxanägä kilü turında bernindi räsmi belderü bulmawı ğäcäp. Şulay da yäkşämbe könne anıñ matbuğat xezmäte bu xäbärne rasladı häm, matbuğat çaraları äytüençä, qayber çığanaqlar xärbi xastaxanädä tikşerü ütüe turında beldergän. Ämma älegä bernindi täfsille mäğlümät birelmi.
Sälamätlege turında imeş-mimeşlärgä qaramastan, uzğan atnada Prezident idaräse başlığı Ali Xäsänov Alievnıñ üktäbr ayında ütäçäk prezident saylawlarında öçençe möddätkä saylanırğa cıyınuın rasladı.
Azärbäycanda älegä açıqtan açıq Alievnıñ warisı dip qaraluçı şäxes kürenmi. Qayber küzätüçelär fikerençä, ägär dä ul wazıyfasınnan kitsä, ildä xakimiät buşlığı barlıqqa kilergä, säyäsi ığı-zığı başlanırğa mömkin. Soñğı 3 distä yılnıñ küpçelek öleşendä Azärbäycan Aliev citäkçelegendä buldı.
Kayber küzätüçelär xäzer Azärbäyanda kiläçäk prezident itep Alievnıñ ulı İlhamnı äzerlilär digän fikerdä. Ämma başqa ber küzätüçelär Aliev kitkännän soñ Azärbäycanda xakimiät öçen tärtipsez bäreleşlär başlanırğa mömkin dip isäpli. İlham, däwlät neft’ şirkäte vitse prezidentlarınıñ berse bulsa da, yış qına säyäsi çığışlar yasap eçke häm tışqı säyäsät turında fikeren belderep kilsä dä, törle säyäsi partiälär häm xakimiätne totuçı Naxiçevan ıruı xakimiätneñ aña tapşırıluına riza bulmasqa mömkin.
Xäzergä isä Baqıda başqa ber waqıyğağa, prezidentnığ 80 yäşlek yubileyına äzerlänälär. Comğağa bilgelängän bäyräm tantanalarına töbäktäge başqa däwlät citäkçeläre belän bergä Russiä prezidentı Vladimir Putin da çaqırılğan. Räsmilär Aliev tuğan könen Baqıda qarşılıyaçaq dip ışandıra.
Naif Aqmal, Praga.