Bügen Äfğanstan başqalasında Amerikan ğaskärlärenä qarşı uram cıyını uzdı. Berniçä yöz äfğan keşese tärtipsezleklärgä, ilneñ suğıştan soñ tözekländerelmäwenä häm xökümättän eş xaqlarınıñ tülänmäwenä qarşılıq belderep uramnarğa çıqtı. Cıyınnı “Fänni Üzäk” häm anıñ citäkçese Möhammäd Siddique oyıştırğan. Qabulda 4 meñ yarımlıq xärbi köçlär Taliban xakimiäte bärep töşerelgännän birle tınıçlıq saqlıy, läkin ilneñ başqa töbäklärendä tärtip yuq. Şulay uq prezident Hamid Qarzai da-ximayaçelärneñ tözekländerü öçen aqçalarnı waqıtında birmägännären beldergän ide.
Amnesty İnternational isemle keşe xoquqları oyışması belgeçe Vienna Colucci, Kubadağı Guantanamo bazasında totılğan barlıq suğış totqınnarı yä xökem iteläçäk yä irekkä çığarılaçaq, dip belderde. Kiçä, Quşma Ştatlar räsmiläre törmädän 20dän artıq keşe çığaçaq, dip beldergän ide. Rusiä, Söğed Ğaräpstan, Şvetsiä, Britaniä häm Paqstan totqında totılğan üz watandaşlarınıñ üzlärenä tapşırıluın teli. Guantanamo törmäsendä barlığı 42 ildän 660qa yaqın keşe totıla.
