Bäyrämnän soñğı berençe düşämbe ğädättä säyäsi waqiğalarğa bay tügel. Kön dä bäyräm - kön dä tuy, digändäy, törle tantanalı çaralar, notıqlar arasında ağımdağı tormış onıtılırğa mömkin. Tatarstan prezidentı xäzerge säyäsi xälneñ nindi ikänlegen iskä töşerep, yül ayınıñ 10-13 könnärendä Rusiädäge häm Yevropa illärendäge töbäklärneñ konstitutsion statusı digän xalıqara konferensiäne oyıştıru komitetın tözü turında qarar çığardı. Färit Möxämmätşin citäkçelegendäge bu komitetqa 16 keşe kerä. Häm ul älege konferensiädä federalizm, töbäklär turında citdi söyläşü äzerlärgä tieş.
Säyäsätçelär üz eşe belän şöğellängändä, ğadi xalıq häm zıyalılar säyäsi häm xoquqi eşlärdä üz süzen äyterlek xäldä tügel. Konstitutsion mäxkämädä ni öçen Tatarstan üz mänfäğätlären yaqlağanın belüçelärne siräk oçratasıñ. Xäyer, respublikanıñ häm xalıqnıñ mänfäğätlären yaqlaw öçen Mäskäwgä barıp, sudlaşıp yörmäwçelärgä dä eş citärlek.
Şul uq pasport vkladıyşların yaklaw öçen ğadi grajdannarnı üz qaraşın belderü citä. Ämma härdaim aq bars töşkän vkladışlı pasport birälär dip, tawış kütärüçe bilgesez şikäyätçelärneñ häm mäğlüm gäzitlärneñ awızın tomalarğa aşığuçı yuq. “Время и деньги” gäzite “Xäzrät vkladışsız pasport alğan” digän mäqälä bastırdı. Mullalarnıñ berse vkladışnı teläsä dä, aña Tatarstan gerbı töşmägän pasport birgännär. Gäzit şuña qızığa. Şul vkladışnı buldıru öçen Däwlät Sovetı deputatları häm Färit Möxämmätşin küpme waqıt köräşkännär ide. Xäzer şul respublika simvolın talaw ğädäti ber uyınğa äylänep kitte. “Вечерняя Казань” Tatar ensiklopediäsen bastırğan öçen respublika xakimiätlären çemetkäläp tora. Cawap yuq. Küräseñ, gäzitlär Tatarstan matbuğatı könen, 19 maynı yäisä östän kürsätmä birgänne kötep toralardır. Şul arada respublika möstäqillegeneñ xäle ciñeläymi. «Профиль» jurnalınıñ 17 sanında «Пересменщики» digän yazmada Rusiä töbäkläre citäkçelären saylaw-saylatmaw, qaldıru-qaldırtmaw turında yazılğan. Tatarstan prezidentı digän süz torğan sayın siräk qullanıla. Soñğı waqıtta Mäskäw matbuğatı respublika başlığı digän terminnı yışraq qullana. Şulay itep, säyäsi wäzğiät häm ğämällär küzgä kürenep tormasa da, eşneñ qaya barğanın añlağan keşegä uylanır säbäplär bar.
Säyäsätçelär üz eşe belän şöğellängändä, ğadi xalıq häm zıyalılar säyäsi häm xoquqi eşlärdä üz süzen äyterlek xäldä tügel. Konstitutsion mäxkämädä ni öçen Tatarstan üz mänfäğätlären yaqlağanın belüçelärne siräk oçratasıñ. Xäyer, respublikanıñ häm xalıqnıñ mänfäğätlären yaqlaw öçen Mäskäwgä barıp, sudlaşıp yörmäwçelärgä dä eş citärlek.
Şul uq pasport vkladıyşların yaklaw öçen ğadi grajdannarnı üz qaraşın belderü citä. Ämma härdaim aq bars töşkän vkladışlı pasport birälär dip, tawış kütärüçe bilgesez şikäyätçelärneñ häm mäğlüm gäzitlärneñ awızın tomalarğa aşığuçı yuq. “Время и деньги” gäzite “Xäzrät vkladışsız pasport alğan” digän mäqälä bastırdı. Mullalarnıñ berse vkladışnı teläsä dä, aña Tatarstan gerbı töşmägän pasport birgännär. Gäzit şuña qızığa. Şul vkladışnı buldıru öçen Däwlät Sovetı deputatları häm Färit Möxämmätşin küpme waqıt köräşkännär ide. Xäzer şul respublika simvolın talaw ğädäti ber uyınğa äylänep kitte. “Вечерняя Казань” Tatar ensiklopediäsen bastırğan öçen respublika xakimiätlären çemetkäläp tora. Cawap yuq. Küräseñ, gäzitlär Tatarstan matbuğatı könen, 19 maynı yäisä östän kürsätmä birgänne kötep toralardır. Şul arada respublika möstäqillegeneñ xäle ciñeläymi. «Профиль» jurnalınıñ 17 sanında «Пересменщики» digän yazmada Rusiä töbäkläre citäkçelären saylaw-saylatmaw, qaldıru-qaldırtmaw turında yazılğan. Tatarstan prezidentı digän süz torğan sayın siräk qullanıla. Soñğı waqıtta Mäskäw matbuğatı respublika başlığı digän terminnı yışraq qullana. Şulay itep, säyäsi wäzğiät häm ğämällär küzgä kürenep tormasa da, eşneñ qaya barğanın añlağan keşegä uylanır säbäplär bar.
