Accessibility links

Кайнар хәбәр

Ğiraqta Säddäm Hösäin çorındağı Saqlanu häm Mäğlümat ministrlıqları beterelde


Ğiraqnıñ waqıtlı xakimiäte başlığı Paul Bremer Säddäm Hösäin çorındağı berniçä ministrlıqnı häm oyışmanı ğamäldän çığardı, Ğiraq armiäseneñ betüe turında xäbär itte. Beterelgän oyışmalar arasında saqlanu häm mäğlümat ministrlıqları,xärbi häm iminlek mäxkämäläre, Cömhüriät Saqçıları ğaskärläre häm Olimpia komitetı. 400 meñgä yaqın keşe eş urınnarın yuğalttı.

Yardäm agentlıqları kiçä İminlek Şurasında qabul itelgän yaña rezolyutsiä, Ğiraqta iminlekne nığıtuğa da yul açır dip ömetlänä. Berläşkän Millätlär Oyışmasınıñ General sekretare urınbasarı Louise Frechette, 3nçe iüngä qadär Ğiraqqa 1 milliard dollarlıq humanitar yardäm kilep betäçäk dip xäbär itte.

Bügen Londonda Ğiraqnı tözekländerü eşen citäkliäçäk Quşma Ştatlarnıñ Bechtel isemle tözeleş şirkäte belgeçläre belän 250gä yaqın Yevropa häm Aziä däwlätläre wäkilläre oçraşa.

İminlek Şurasında wäkile bulğan berdän ber ğaräp däwläte-Süriä , Ğiraqtan çikläwlärne alunı xupladı. SANA mäğlümat agentlığı xäbär itüençä, Süriä, "qardäş Ğiraq xalqınıñ yäşäw şartların yaxşırtu kiräklegennän çığıp" 1483 sanlı rezolyutsiäne xuplarğa bulğan. Läkin Süriä älege rezolyutsiänıñ Ğiraq xalqına il belän idarä itüne üz qulına alırğa yardäm itäçägenä ışanmayı. Kiçä İminlek Şurası utırışında qatnaşmawın, Süriä , rezolyutsiä tekstın citärlek tikşerep ölgermäwe belän añlattı.
XS
SM
MD
LG