Groznıy. Rusiäneñ saqlanu ministrlığı belderüwenä qarağanda, çäçän-inguş çigendä urıs xärbilärenä ut açılu näticäsendä anda ike federal hälak bulğan, berniçäse yaralanğan. Älege höcüm uzğan töndä, çiktän 2 çaqrım yıraqlıqta yatqan ber inguş awılı yanında yasalğan. İnguşetiäneñ eçke eşlär ministrlığı wäkile, urıs ğäskärilären qotqaru waqıtında anda mina şartladı, ike keşe şunıñ näticäsendä ülde, berse yaralandı dip belderde. Moña qädär berniçä säğät elek kenä çäçän başqalası Groznıyda radiomina belän ber avtobus şartlatılğan ide, anda kimendä 3 keşe hälak buldı dip xäbär itelde.
