Accessibility links

Tatarstan prokurorına açıq xat yazuçılar närsä telilär?


Ä xäzergä tatar cämäğätçelegeneñ iğtibarın cälep itkän ber xat turında. Küptän tügel ber-ber artlı berniçä abruylı gazeta, ber törkem cämäğät eşlekleläre, tanılğan jurnalistlar imzalağan açıq xat bastırıp çığardılar. Bu Tatarstan prokurorı Kafil Ämirovqa açıq xat. Bu xatta jurnalist Tälğät Bariev 2001 yılnıñ dekaber ayında “Восточный экспресс” gazetasındağı “Полный клизмец” mäqäläsendä jurnalistlar Lev Ovrutskiy häm Lev Jarjevskiy üz adreslarına xurlaw işetep, mäxkämä eşe quzğatqannan soñ, mäxkämä tieşle caza birmäde, digän fiker äytelä. Mäğlüm ki, kollegalar quzğatqan mäxkämä eşe tänäfeslär belän yıldan artıqqa suzıldı. Bıyılnıñ 22 mayında ğına Sovet rayonı mäxkämäse Barievnı ğayıpsez dip tanıdı. Açıq xatqa “Московский комсомолец” gazetası kommentariy da birde inde. Anda Tälğät Barievneñ ansat qotıluı, bu eşkä anı yaqlawçı yuğarı dairälär qatnaşuı belän añlatıla digän fiker bar. Kem artında kem tora soñ? “Azatlıq” radiosı öçen pänceşämbe könne qorğan äñgämädän ber özek.

AUDİO. Tälğät Bariev küptän tügel “Пульс жизни” digän gazetada anı xätta Prezident apparatı yaqlıy, digän faraz yazıp çığuları turında äytä. Läkin anıñ artında beräwdä tormıy. Ägär dä andıy yaqlawçıları bulsa, bu mäxkämä eşe küptän tämamlanır ide. Ul ğadi tatar ğalime, xäläl xezmät xaqına yäşi, mäxkämä eşe quzğatılu, annan Qazannan çitkä çıqmaw turında imza alu inde yıldan artıq anıñ ireklären çikli, eşenä qomaçawlıy. İnde mäxkämä aqlawına qaramastan, yañadan şundıy xatlar yazuda ul däğwäçılar artında Rusiä xoquq saqlaw oyışmaları toruında kürä.

Yunıs Ätnäle, Qazan
XS
SM
MD
LG