Sişämbe könne Däwlät Şurasınıñ fän, mäğärif, milli mäs’älälär kommissiäse deputatları tatar-törek litseylarına barıp «däwlät telläre turında»ğı qanunnıñ ütäleşen tikşerde. Qazanda barlığı 4 tatar-törek litseyı bar. Alarnıñ 3-sendä yegetlär genä , bersendä qızlar ğına uqıy. Bu daimi komissiä tikşergän 7 litsey-internatnıñ uqıtu tärbiä eşläre öçen cawaplı direktor urınbasarı Nuriä Şärifcanova tübändägelärne söyläde.:Bezneñ litseyda uqıtu dürt teldä alıp barıla: tatar, törek, rus, ingliz, häm balalarıbız bik teläp dürt teldä dä söyläşälär.Yuğarı uqu yortları belän tığız bäyläneştä torabız. Qazan texnik universitetı belän ike yıllıq kurslar eşli. Unberençe sıynıfnı tämamlap imtixannar birgännän soñ balalar universitetnıñ ikençe kurs studentları bulıp uquların universitetta däwam itälär. Bıyıl 50 bala uqunı tämamlıy : 9—ı altın medal'gä, 6—sı kömeş medal'gä tämamlarğa äzerlänälär. Yıl sayın 25—30 % bala medall'lärgä tämamlıylar.«Tatarstan Respublikası xalıqları telläre turında»ğı zakonnıñ niçek ğämälgä aşırıluın tikşerü niäte belän oyıştırılğan komissiä tatar-törek litseylarında bik küp aldınğı täcribä ürnäkläre tapqan. Moña qädär Çuaşiädä, Başqortstanda, Тörkiä uqıtuçıların tikşerü, qaytarıp cibärü oçraqları bulğan ide. Tatarstanda andıy xällär bulmadı.
Mälikä Basıyr, Qazan.
