Accessibility links

Кайнар хәбәр

Handelsblatt gazetası Putinnıñ il eçendäge problemaları turında närsä yaza?


Törle politik dairälärneñ väkillärennän torğan xökümättän bäysez Milli Strategiä buyınça Şura isemennän iğlan itelgän raportta süz oligarxlarnıñ Russiädä parlamentar respublika buldırırğa telävläre turında bara. Döres Şuranıñ qayber ağzaları şuşı raport belän kileşmävlären dä bäyan ittelär. Ber ük vaqıtta Mäskävdä Almaz-Anteinıñ ike ölkän xezmätkräe ber ük köndä üterelde. German gazetası "Handelsblatt"ta şuşı uñaydan basılıp çıqqan maqälä "Putin oligarxlarğa häm Mafiağa qarşı köräştä äle ciñep çıqmadı" dip atala.

Maqälä aftorı Mathias Brüggmannıñ yazuınça, prezidet Putin çit illärdä abruy qazana barsa da, il eçendä aña basım arta bara. Kommunistlar häm Yabloko fraksiäse xökümätkä ışanıç mäsäläseneñ köntrtibenä kertelüenä ireştelär. Tauış birü kiläse Çärşämbe könne bulaçaq. Ber ük vaqıtta tanılğan säyäsi belgeçlärdän torğan şuranıñ xisabı da mäğlum buldı. Anda Oligarxlarnıñ Kreml xucasın almaştırırğa telävläre açıqlana. Xökümätkä ışanmauçılar parlamentta küpçelekne täşkil itärme-anısı bilgesez. Läkin, xätta Kreml yaqlı berdäm Russiä partiäse dä Russiädä reformarnıñ tuqtaluı öçen premier Kasyanovnı ğäyepli. Banka sektorın moderenlaştıru , Gazpromnı reformalau , komunal xucalıqnı liberallaştıru häm salımnı kimetü kebek üzgäreşlärdä alğa kiteş yuq yäisä az. Partiä funksionerları kommunistlarnıñ köçlänüen buldırmas öçen Dikäber ayındağı Duma saylaularınnan alda reformalar paketı qabul itelergä tieş digän fikerdälär. Läkin, Putin älegäçä xökümät başlığın üzgärtüne telgä almadı. Milli Strategiä buynça Şuranıñ raportında täsirle oligarxlar prezident xakimiäten cimerep, parlamentar respublika buldırırğa telilär dielgän.Oligarxlar partiälärneñ küpçelegen finansiälilär häm medianıñ zur öleşen kontrol itälär. Şul säbäple alar parlament tarafınnan saaylanğan xökümätkä küberäk täsir itä alırlar ide. Älegäçä premierne prezident bilgeli häm parlament anı raslıy ide. Ekspert jurnalınnan Aleksander Priwolownıñ yazuınça çimal xucaları Putin yañadan saylanğan xäldä xucalıq mäsäläse üzgärer dip borçılalar. Bu xärbi indurstriädä buldı ide. Putin elekke xezmätkäre İgor Klimownı Almaz Altei xärbi kompleksınıñ general direktorı itep quydı. Berberenä kündäş xärbi komplekslar anıñ qanatı astında berläşergä tieşlär ide. Aksionerlar ciılışınıñ Klimovnıñ kandidatlığın räsmi reveştä raslauına berniçä kön qalğanda ğına ul üterelde. Şuluq könne Almaz Altei törkemenä kergän Ratepnıñ direktorı Sergey Şitko da üterelde. Bu Putinneñ xärbi industriäne tazartu tırışlığına ayaq çalu dip bäyälände. Putin pozitsiäseneñ ällä ni nıq bulmauın, rişvätçelektä ğäyeplänsä dä, balıqçılıq ministere Nasdratenkonı, iminlek şurasında visi-sekretar postın birgännän soñ ğına çitlätä aluı da kürsätä. Nasdratenko, Kasyanov kebek ük elekke prezident Yeltsin tiräsendäge oligarxlar törkemenä kerä. Putin tantanalı räveştä iğlan itsä dä, korrupsiäne dä mafianı da beterä almadı. Nezavisemaya Gaztanıñ yazuınça, Putin häm başqa petersburglılar kebek Mafia da, Nevadan Moskvağa küçenep aktivlığın anda dävam itterügä oxşıy. İke yıl eşendä başqalada 19 eşquar belän säyäsmän üterelde. Mäskävdäge soñğı üterülärne İdänastı häm Oligarxlar üz mänfäğätlärenä qurqınıç sizgän xäldä yuğarı däräcädäge şäxeslär aldında da tuqlmauların kürsätkän Kremlgä cibärelgän işarä dip bäyälärgä bula dip yazılğan German gazetası Handlsblatta basılıp çıqqan maqälädä.

Färit İdelle, Praga.
XS
SM
MD
LG