20 yündä Tatarstanğa Sverdlov ölkäse gubernatorı Eduard Rossel'neñ räsmi vizitı başlandı. Aña Tatarstan cirenä ayak basuınıñ berençe mizgellärennän ük, iñ qäderle qunaqlarğa kürsätelgän xörmät kürsätelä. Qazan hawa qırında Eduard Rossel'ne, Mintimer Şäymiev, Färit Möxämmätşin, Kamil' İsxakov häm cämäğät eşlekleläre qarşıladılar. İrtänge säğät unğa qunaqlar häm qarşılawçılar “ Qazan yärminkäsenä” Sverdlau ölkäse häm Tatarstan şirkätläre tawarları kürgäzmäsenä kildelär. Kürgäzmäne açu tantanasında Sverdlov ölkäse gubernatorı süzne bolay başladı. Yäğni E.R.- Qazan unikal', meñ yıllıq tarixlı şähär- böten dönya tatarlarınıñ başqalası di. Tatarstan belän Sverdlov ölkäse arasında xezmättäşlek turında täwge kileşü tözügä inde 60 yıl. Läkin monnan altı yıl elek tözelgän kileşü qimmätle. Çönki ul Rusiä iqtisadıy häm ideologiä krizisı kiçergän çorda tözelgän häm ike yaqqa da şul awır çorda fayda kitergän. Sverdlov ölkäsendä, gubernator äytüençä xäzerge waqıtta 240 meñ tatar yäşi. Sanı yağınnan ölkädä tatarlar ikençe urında. Añlaşıla ki Sverdlov ölkäse Tatarstan belän mädäni bağlanışlarnı da üsterü yağında. Mintimer Şäymiev cawap çığışında üz-ara xezmättäşlek näticälärenä yuğarı bäye birde. M.Ş. Ural qazılma baylıqları, industriäse Rusiä iqtisatında töp nigez ide di. Ägärdä şul awır çorda Ural metallurgiäsen saqlap qalmağan bulsa, Tatarstan industriäse yäşäp qala almağan bulır ide. Süzen däwam itep M.Ş Uralda yäşäwçe xalıqnıñ sälätlegen, xezmätçänlegen bilgeläp ütte. Ul Sverdlov ölkäse citäkçelegenä, sezneñ belän eş yörtep bula, sez töple keşelär” dip möräcäğät itte. Monısı inde Tatarstan citäkçelegeneñ näq menä Eduard Rossel' kebek citäkçelär citäklägän Sverdlov ölkäse belän xezmättäşlek itärgä teläwenä işärä ide. här xäldä räsmi mäğ lümät çaraları- Qazan hawa qırında qarşılaw waqıtında, M.Ş. Sverdlov ölkäsendä sentäber ayında bulaçaq gubernator saylawlarında Eduard Rossel' ciñep çığaçağına ışanıç belderde“-dip xäbär ittelär.
Yunıs Ätnäle.
