Ğiraqta qoalitsiä ğäskärlärenä yış bulıp torğan höcümnär säbäple zur külämdäge amerikan xärbilären Ğiraqtan çığaru planlaştırılsa da, ul kiçekterelergä mömkin. Uzğan atnada amerikanıñ tuğızınçı diviziä general mayorı Bufort Blount Quşma Ştatlarnıñ 9000 xärbie ay yarım tiräse waqıttan soñ, Ğiraqtan çığarılaçaq dip beldergän ide. Läkin, bügen, "Associated Press" agentlığı ğäskärlärne çığaru bilgesez ber waqıtqa kiçekterelep tora dip xäbär itte.
Quşma Ştatlarnıñ saqlanu ministrı Donald Rumsfeld häm Amerikänıñ Ğiraqtağı waqıtlı administratorı Paul Bremer cäy Ğiraqta awır bulaçaq dip sanıy.
