PrezidentG.Bush ütkän atnada fälästin premiäreM.Abbas belän berençe märtäbä oçraşqannan soñ ütkärelgän press konferensiädä , İzraelneñ Könbatış Üzänendä tözegän iminlek diwarı problema bulıp tora dip äytkän ide. Ämma prezident kiçä Sharon belän yänäşä çığış yasağanda iminlek diwarın süz arasında ğına telgä aldı.Sharon isä, İzrael, fälästin terrorislarınıñ höcümnären tuqtatu öçen , diwarnı tözü eşenä däwam itäçäk dip äytte .Bu süzlärgä qarata Bush bernindi reaksiä kürsätmäde, xälbuki ul comğada İzrael diwarı Könbatış Üzänendä suzılıp yatqanda, iİzraellelär belän fälästinnär arasında ışanıç buldıru qıyın mäsälä digän ide. Kiçä ul Sharonğa İzrael üz aksiäläreneñ näticäläre yul xaritası dip yöretelgän tınıçlıq planına nindi täsir yasar, şul turıda uylarğa quştı. Bilgele bulğança, yul haritası 2005yılda Fälästin däwläteneñ oyışıuın küzdä tota. Prezident älbättä Sharonnı fälästinnärneñ tormışın ciñeläytü öçen adımnar atlarğa çaqırdı. Bush(audio)
tınıç Fälästin däwläteneñ barlıqqa kilüe häm İzrael xalqınıñ iminlegen tämin itü terror törkemnäreneñ tudırğan qurqınıçnı , näfrätne beterüdän bağlı.
Bushnıñ Abbas vä Sharon belän söyläşülärendä tonnı üzgärtüe älbättä tänqitkä säbäp buldı. Waşingtonda urnaşqan Yaqın Könçığış İnstitutı xezmätkäre, George Washington universitetı profesorı Murhaf Juecati fikrençä, G.Bush ber yaqqa ber närsä, ikençe yaqqa ikençe törle söyläp ışanıçnı yuğaltaçaq.Juecati bolay dip äytä:(audio)AQŞ administratsiäseneñ İzraelgä basım yasıy almawı kürenep tora. Administratsiä xäzer yul xaritasında progress yasau öçen konflikttağı här ike tarafqa basım yasıy torğan waqıt.Prezident Bushnıñ endäşmäwe, İzraelneñ diwar tözüenä yäşel ut kürsätü kebek närsä bulıp tora.
Başqa küzätüçelär kiresençä uñay fikerdä. Misal öçen Michigan Universitetı prof. Ronald Reagannıñ milli iminlek şurasında utırğan yaqın könçığış belgeçe Raymond Tanter G.Bush yaqın könçığış tınıçlıq protsesında iminlek diwarı kebek ayrım detallärgä tuqtalmıy.Ul kiñräk mäsälälärgä, ğäräblär belän-İzrael arasında tınıçlıq urnaştırudağı kirtälärne yuq itügä qarıy.Tanter radiobızğa birgän ängämädä, Ğıraq suğışı,al Qaidağa qarşı suğış. İran, Syriä kebek totrıqsız illärgä şulsanda fälästin ğıysayançılarına basımnı arttırdı,Bu İzrael belän Fälästinnär arasında tınıçlıq urnaştıruda progress yasau mömkinçelege tudırdı dip säyläde Tanter süzlärençä(audio)
İblis detallärdä tügel, iblis kürşe tirädä. Çınbarlıqta , iblis al Qaida formasında , Saddam formasında qaça..Saddam ulları üterelde.
Tanter qaraşınça, Ğıraq, äl Qaiadağa qarata progress M.Abbas kebek urtaçıl yulda toruçılar faydasına bulaçaq .Bush administratsiäse terroçılar vä totrıqsız illär yuqqa çıqqaç , izrael belän fälästinnär arasında solıx urnaştıru öçen şartlar tuaçaq dip qarıy. Bush belän Sharon arasındağı söyläşülärdä röxsätsez tözelgän yähüd utarların sütep taşlau turında süz buldı. Şulayuq İzrael törmälärendä totılğan fälästinnärne irekkä çığaru eşe dä tikşerelgän. Läkin ike citäkçe terrorğa qayta alaçaq fälästinnärne törmädän çığaruğa qarş ıbuluların äytkän. Älegä radikal fälästin törkemnäre atışlarnı3 ay tuqtatıp toru turında birgän wäğdälären üti. Ämma wazğiät kürenerdi däräcädä yaxşırmasa, İzrael yağı fälästinnnär kötkän taşlamalarnı yasamasa,köç qullanu dulqını yañadan kütäreläçäk
färidä xämit, praga
färidä xämit, praga