Accessibility links

Ğäräp illäre kiñäşä


Bügen Kähirädä qayber ğäräp illäre wäkilläre Ğiraqtağı wazgiätne häm küptän tuğel amerika-britan koalitsiäse tarafınnan tözelgän İdarä şurasına mönäsäbätne tikşerä. Ğäräp illäre älegä İdarä şurasın Ğiraqnıñ küçeş çorı xäkimiäte dip tanımadılar. Ğäräp illäre liğasınıñ general sekretare Amr Mussa amerika-britan koalitsiäse yärdämendä tözelgän İdarä şurası, qanunlı Ğiraq xökümäte oyışunıñ berençe genä adımı dip belderde. Bahrein, Mısır, İordaniä, Liviä, Sögüd Ğäräpstanı häm tağı berniçä ilneñ tışqı eşlär ministrları Ğiraqta tınıçlıq urnaştıru köçläre safında qatnaşu mömkinlegen dä tikşerä. Oçraşunıñ tağı ber teması, İzrail belän Fälästin arasındağı wazgiätne cayğa saluda xalıqara plannı tormışqa aşıru.
XS
SM
MD
LG