Tönyaq häm Könyaq Korea, AQŞları, Yaponiä Qıtay häm Russiä qatnaşqan söyläşülär, ütkän üktäber ayında Bush administratsiäseneñ T.Korea wäkilçelege atom qoralları programmasına iä buluın faş itte dip iğlan itüennän soñ başlanğan krizisnı çişü mäqsatın quya.Pxenyan atom programmasınnan vaz kiçü öçen AQŞ belän berberenä höcüm itmäw buyınça kileşü häm iqtisadi yardäm taläp itä. Aprel ayında AQŞ T.Korea häm Qıtay Pekiñdä oçraşsalar da ber näticägä ireşä almadı. Waşington yaña söyläşülär küpyaqlı bulırğa tieş dip taläp itep kilde.Pxenyang Qıtay basımı astında söyläşülär östälenä qaytırğa riza bulsa da, ul 3 könlek söylöşülär waqıtında Quşma Ştatları belän küzgä küz söyläşülär mömkinlençelege birelergä tieş digän şart quyğan ide.Çärşämbedä söyläşülärneñ berençe könendä plenar utırıştan soñğı tänäfesste T.Korea tışqı eşlär ministırınıñ urınbasarı Kim Yong İl,däwlät sekretarınıñ yardämçese James Kelly belän zalnıñ ber poçmağında ikeüläp söyläşkännär . Räsmi bulmağan bu oçraşunı aziäle diplomatlar rasladı. Ämma Waşington räsmi ikele söyläşülär bulmayaçaq dip belderde. Bu xaqta däwlät departamentı süzçese Philip Reeker ( audio)
Däwlät sekretarnıñ yardämçese Kelly plenar utırış zalında kiçkä taba T.Korea wäkile belän räsmi bulmağan söyläşü ütkärde , T.Korea belän ayrım räsmi cıyılış bulmayaçaq .
Kelly sessiä waqıtnda Pxenyan atom programasınnan tulısınça wazkiçergä häm moñı kontrol itü mömkinçelegen birergä tieş dip belderde. AQŞ wäkile bu adım Amerika yağınıñ T.Koreağa iminlek garantiäläre birüenä kiterer ide dip äytkän. Waşington T.Koreağa höcüm itergä cıyınmawın añlatıp kilä. Sessiädä Kim Waşingtonnan berberenä höcüm itmäü kileşüe taläp itkän. AQŞ, diplomatların häm däwlät şirkätlären narkotika häm valyuta säwdäsendä kurier itep qullanğan Pxenyang alar aşa atom texnologiesen terroristlarğa tapşırır dip qurqa. Waşington Pekiñdä söyläşülär alıp barsa da ul Tönyaq Korea koraplarınıñ küpläp üterü qoralları yäki aña bäyle texnologie eksportın tuqtatu öçen, koalitsiädäge 11 il belän bergäläp dingez blokadası oyıştırmaqçı, ayruça BMOnıñ İminlek Şurasında Pxenyanğa iqtisadi çikläülär quyu öçen rezolutsiä ütkärergä cıyına. Atom qorallarına iä T.Koreanıñ ber kemneñ dä mänfäğätlärenä turı kilmäwe kön kebek açıq.Çärşämbe utırışında T.Koreanıñ 70-80-nçı yıllarda urlağan 10narça yaponnıñ qaytarılu mäsäläse dä kütärelgän. Pxenyang modern yapon ğädätlären, tormış räweşen öyränü öçen yaponnarnı urlağan ide. Ütkän yılda ul 5 qorbannıñ ğına kire qaytuına röxsät birde, alarnıñ ğailälären cibärmäde. Aziäle küzätüçelär oçraşuda mäsälä çişeler dip kötmilär, kiläse cıyılış öçen waqıt bilgeläü in zur uñış bulaçaq dip belderä. Atnakiçtäge utırıştan soñ wäkilçeleklär ikele yäki öçle söyläşülär alıp bardı dip xabär itelä.Söyläşülär eçtälege turında mätbuğatqa mäğlümät birelmäsä dä , diplomatlar söyläşülärneñ näticäse turındağı belderü östendä eşli dip äytkän K.Korea delegetasiäse süzçese .Seulnıñ Yonhap agentlığı Könyaq Korea xökümäteneñ yuğarı däräcädäge räsmiäne tayanıp, altılı söyläşülärneñ ikençe raundınıñ üktäberdä Pekiñdä buluı ihtimal dip belderde
färidä xämit, praga
färidä xämit, praga