Ğiraqtağı xakimiatne mömkin qädär tizräk ğiraqlılarnıñ üzlärenä tapşıru, yäğni ilneñ möstäqillegen tulısınça torğızu ölkäsendä Quşma Ştatlarğa basım Fransiä häm Germaniä genä tügel, amerikannar üzläre bilgelägän Waqıtlı idarä şurası yağınnan da yasala. Anıñ äğzaları arasında şaqtıy ğına mäs''älälärdä tirän qarşılıqlar yäşäp kilsä dä, Ğiraq möstäqillegen torğızuğa kilgändä alarnıñ fikere berdäm. Xakimiatne ğiraqlılarğa tapşırunı andağı millätçelär genä tügel, Quşma Ştatlar yağında torğan ähellär dä yaqlıy. Amerikannar monı nigezdä kire qaqmıy, läkin alar inde bügennän ük nindider ber waqıt bilgelärgä telämi. Londondağı iqtisad wä säyäsi fännär mäktäbendä eşläwçe Yaxyä Säyet Waqıtlı şuranıñ şuşı omtılışları turında bolay di.
Audio, Yaxyä Säyet
"Şura äğzaları berdäm bulmasa da, şuranıñ rolen kürenä torğanraq itüdä alarnıñ mänfäğätläre niçekter kiseşä, bu millätçelärgä dä, Könbatışqa qarağan tarafqa da xas. Qayberäwlär xakimiatne idarä şurasına tizräk küçerüne üz mänfäğätlärennän çığıp, ä qalğannarı bäysez häm möstäqil Ğiraqnıñ tizräk ayaqqa basuwın kürergä teläp taläp itä" di Yaxyä Säyet. Törle törkemnärneñ törle mänfäğätlärenä kilgändä, ul monı bolayraq añlata.
Audio, Yaxyä Säyet
"Ğiraq Milli Kileşüwe häm Ğiraq Milli Kongressı keşeläre ilneñ möstäqillegen tizräk torğızunı, berençe çiratta üz xakimiaten nığıtu yulı itep kürä, bu iñ ışanıçlı, saylawlarsız ğına eşlänä torğan eş, saylawlar oçrağında alarnıñ xakimiatkä ireşü mömkinlekläre bik çiklängän" di Londondağı belgeç. Waqıtlı idarä şurasınıñ ildäge xakimiatne üz qulına alırğa äzer toruwı turında, xäzerge waqıtta New Yorkta, Berläşkän Millätlärneñ Ğomumi Mäclesendä bulğan Äxmät Çäläbi, şuranıñ räise dä belderä. Anıñ amerikan mäğlümat çaralarına äytkän süzlärennän härxäldä şul añlaşıla. Ayırım alğanda ul, ğiraqlılarnıñ amerikannar belän bergä finans mäs''älälärdä urtaq idarä itüwen kertüne, cirle iminlek köçlären dä Şura qaramağına küçerüne alğa sörä. Läkin äle uzğan düşämbedä genä Quşma Ştatlarnıñ däwlät sekretare Colin Powell, Waqıtlı idarä şurasındağı ähellär ilne citäkläwgä äle tulısınça äzer tügel dip uylawın belderde. Anıñ fikerençä, Ğiraqtağı säyäsi täräqqiatneñ yaña konstitutsiä qabul itep, anı referendumda raslatıp ildä yaña saylawlar ütkärü däräcäsenä citkerü öçen kimendä ber yıl kiräk bulaçaq. Älege süzlärdän şul añlaşıla, amerikan yağı şuña tiklem xakimiatne ğiraqlılarğa tapşırırğa cıyınmıy. Ğomumi Mäclestäge çığışında moña prezident Bush ta işarä itte, ul "älege eşlär Ğiraq xalqı ixtiaclarınnan çığıp alıp barılırğa, ayırım taraflar telägenä qarap qına aşıqtırılmasqa yäisä kiçekterelmäskä tieş" dip belderde.
Audio, George Bush
Şulay itep bu mäs''älädä amerikannarnıñ Fransiä belän genä tügel, alar üzläre bilgelägän Waqıtlı idarä şurası belän dä qarşılıqları tiränäyergä tora.
Kärim Kamal, Praga
Audio, Yaxyä Säyet
"Şura äğzaları berdäm bulmasa da, şuranıñ rolen kürenä torğanraq itüdä alarnıñ mänfäğätläre niçekter kiseşä, bu millätçelärgä dä, Könbatışqa qarağan tarafqa da xas. Qayberäwlär xakimiatne idarä şurasına tizräk küçerüne üz mänfäğätlärennän çığıp, ä qalğannarı bäysez häm möstäqil Ğiraqnıñ tizräk ayaqqa basuwın kürergä teläp taläp itä" di Yaxyä Säyet. Törle törkemnärneñ törle mänfäğätlärenä kilgändä, ul monı bolayraq añlata.
Audio, Yaxyä Säyet
"Ğiraq Milli Kileşüwe häm Ğiraq Milli Kongressı keşeläre ilneñ möstäqillegen tizräk torğızunı, berençe çiratta üz xakimiaten nığıtu yulı itep kürä, bu iñ ışanıçlı, saylawlarsız ğına eşlänä torğan eş, saylawlar oçrağında alarnıñ xakimiatkä ireşü mömkinlekläre bik çiklängän" di Londondağı belgeç. Waqıtlı idarä şurasınıñ ildäge xakimiatne üz qulına alırğa äzer toruwı turında, xäzerge waqıtta New Yorkta, Berläşkän Millätlärneñ Ğomumi Mäclesendä bulğan Äxmät Çäläbi, şuranıñ räise dä belderä. Anıñ amerikan mäğlümat çaralarına äytkän süzlärennän härxäldä şul añlaşıla. Ayırım alğanda ul, ğiraqlılarnıñ amerikannar belän bergä finans mäs''älälärdä urtaq idarä itüwen kertüne, cirle iminlek köçlären dä Şura qaramağına küçerüne alğa sörä. Läkin äle uzğan düşämbedä genä Quşma Ştatlarnıñ däwlät sekretare Colin Powell, Waqıtlı idarä şurasındağı ähellär ilne citäkläwgä äle tulısınça äzer tügel dip uylawın belderde. Anıñ fikerençä, Ğiraqtağı säyäsi täräqqiatneñ yaña konstitutsiä qabul itep, anı referendumda raslatıp ildä yaña saylawlar ütkärü däräcäsenä citkerü öçen kimendä ber yıl kiräk bulaçaq. Älege süzlärdän şul añlaşıla, amerikan yağı şuña tiklem xakimiatne ğiraqlılarğa tapşırırğa cıyınmıy. Ğomumi Mäclestäge çığışında moña prezident Bush ta işarä itte, ul "älege eşlär Ğiraq xalqı ixtiaclarınnan çığıp alıp barılırğa, ayırım taraflar telägenä qarap qına aşıqtırılmasqa yäisä kiçekterelmäskä tieş" dip belderde.
Audio, George Bush
Şulay itep bu mäs''älädä amerikannarnıñ Fransiä belän genä tügel, alar üzläre bilgelägän Waqıtlı idarä şurası belän dä qarşılıqları tiränäyergä tora.
Kärim Kamal, Praga