Tatarstan citäkçeläre öyeleşep öydä utırmıylar – prezident Şäymiev Aq diñgezdä, Antal'yädä yal itä. Färit Möxämmätşin Soçiğa kitte.Anda milli mäs'älälär buyınça seminar kiñäşmä açıldı. Färit Möxämmätşin Rusiäneñ milli säyäsäte turında çığış yasıy.
Premyer-ministr Röstäm Miñnexanov atna axırında Ukrainadan qayttı, säfärneñ töp mäğnäse – Ukraina belän Tatarstan arasındağı iqtisadi xezmättäşlek. Televidenie ekrannarında Kievtağı oçraşularda Rusiäneñ Ukrainadağı ilçese Viktor Çernomırdin, anıñ küptänge dustı Möxämmät Sabirov ta bu oçraşularda qatnaşqannar. Çernomırdin Tatarstan däwlät televideniesenä interv'yu birep, cayı çıqqaç ta Tatarstanğa barıp qaytırğa, yaña tözeleşlärne, zur şirkätlärne kürergä teläwen äytkän.
