Räsmi Mäskäw Yevropa Berlege belän vizalarnı beterü xaqında söyläşülär başlarğa cıyınğan ber mäldä, qarşı yaq, yäğni Yevropa üze älegä qapqalarnı yabunı xup kürä. Kiläse yılnıñ mayında Yevropa Berlegenä tağın 10 il quşılaçaq, alarnıñ kübese inde Rusiä pasportına viza kertte, misal öçen, 1968-nçe yılğı waqiğälärne bik yaxşı xäterlägän Çexiä monı äle 2000-dä ük eşläde. Ä Rusiä turistlarınnan, bigräk tä kürşe Kaliningrad ölkäsendägelärdän zur iqtisadi fayda kürgän Pol''şa monı mömkin qädär ozaqqaraq suzarğa tırıştı. Xäzer inde Yevropa Berlegenä keräçäk nämzät illärdän vizalarnı 2004-nçe yıl başınnan Malta belän Kiprğa ğına kertäse qaldı. Rusiä diplomatiäseneñ üz watandaşları xoquqların yaqlaw tırışlıqları älegä uñmadı şulay itep. Ägär dä inde ğomumän andıy tırışlıqlar yasalsa, älbättä. Räsmi Mäskäwneñ yış qına, qırıs, läkin qorı belderülär yasaw belän genä çiklänüwe, alarnı ğämällär belän nığıtmawı bilgele. Pol''şa yağı birgän mäğlümatqa qarağanda, Warşaw, viza kertüneñ mäşäqätlären beraz kimetü maqsatında alarnı buşqa birüne täqdim itkän bulğan. Läkin Rusiä tışqı eşlär ministrlığı, bu bezneñ watandaşlarıbıznı kimsetä dip monı kire qaqqan. Şulay itep, urıs däwläteneñ ğorurlığı xaqına anıñ watandaşları xäzer Pol''şağa baru yäisä anıñ aşa Yevropağa ütü öçen kimendä 20 dollar aqça tülärgä tieş bulaçaq. Ä menä Ukraina xökümäte Pol''şa belän näq menä tüläwsez vizalar xaqında kileşä aldı. Mäskäwneñ älegä bu ölkädäge berdänber qazanışı, Pol''şa vizalarınıñ Kaliningrad ölkäse keşelärenä buşqa birelüwenä ireşü. Ä inde Ukrainağa kilgändä, ul üze älegä poläklärgä viza kertmi. Kievtäge tışqı säyäsät üzägendä eşläwçe Oleksandr Suşko.
Audio, Oleksandr Suşko
"Pol''şa belän Ukraina arasında bıyıl ireşelgän kileşü nigezendä, keşelär viza öçen berni dä tülärgä tieş bulmayaçaq. Ukraina Pol''şa watandaşları öçen viza kertmi. Pol''şa isä üz yağınnan ukrainnar öçen tüläwsez viza ğına kertä, bu Ukraina öçen ğädäti küreneş tügel, çönki älegä qädär anıñ bar viza tärtibe tigezlek nigezendä qorılğan ide" di Oleksandr Suşko. Anıñ süzlärenä qarağanda Kiev xäzer näq şundıy uq kileşügä Macarstan, Slovakiä häm Litva belän dä ireşergä teli. Ukrainnar qabul itkän mömkinlekne Warşaw Rusiä belän Belarus''kä dä täqdim itä, läkin inde äytelgänçä, Mäskäw belän Minski monı üzläreneñ suveren xoquqların bozu dip bäyäli. Belarus''neñ tışqı eşlär ministrlığı wäkile Andrey Savinıx.
Audio, Andrey Savinıx
"Bezneñçä, xalıqara mönäsäbätlärdä tigezlek wä bäräbärlek saqlanırğa tieş, ike möstäqil däwlätneñ watandaşları, vizalar kebek mäs''älädä dä tigez bulmağan şartlarğa quyılmasqa tieş" di Belarus'' räsmi wäkile. Qayber küzätüçelär fikerençä, räsmi Minskineñ Warşaw belän viza mäs''äläsendä Ukraina tösle kileşergä telämäwe artında, xakimiatneñ üz watandaşların tışqı dönyadan tağın da ayırırğa teläwe genä yata. Niçek kenä bulmasın, Könçığış Yevropa illäreneñ ber-ber artlı viza kirtäläre qoruwı, Rusiädä dä, Ukrainada da, Belarus''tä dä awır xislär genä uyata.
Kärim Kamal, Praga
Audio, Oleksandr Suşko
"Pol''şa belän Ukraina arasında bıyıl ireşelgän kileşü nigezendä, keşelär viza öçen berni dä tülärgä tieş bulmayaçaq. Ukraina Pol''şa watandaşları öçen viza kertmi. Pol''şa isä üz yağınnan ukrainnar öçen tüläwsez viza ğına kertä, bu Ukraina öçen ğädäti küreneş tügel, çönki älegä qädär anıñ bar viza tärtibe tigezlek nigezendä qorılğan ide" di Oleksandr Suşko. Anıñ süzlärenä qarağanda Kiev xäzer näq şundıy uq kileşügä Macarstan, Slovakiä häm Litva belän dä ireşergä teli. Ukrainnar qabul itkän mömkinlekne Warşaw Rusiä belän Belarus''kä dä täqdim itä, läkin inde äytelgänçä, Mäskäw belän Minski monı üzläreneñ suveren xoquqların bozu dip bäyäli. Belarus''neñ tışqı eşlär ministrlığı wäkile Andrey Savinıx.
Audio, Andrey Savinıx
"Bezneñçä, xalıqara mönäsäbätlärdä tigezlek wä bäräbärlek saqlanırğa tieş, ike möstäqil däwlätneñ watandaşları, vizalar kebek mäs''älädä dä tigez bulmağan şartlarğa quyılmasqa tieş" di Belarus'' räsmi wäkile. Qayber küzätüçelär fikerençä, räsmi Minskineñ Warşaw belän viza mäs''äläsendä Ukraina tösle kileşergä telämäwe artında, xakimiatneñ üz watandaşların tışqı dönyadan tağın da ayırırğa teläwe genä yata. Niçek kenä bulmasın, Könçığış Yevropa illäreneñ ber-ber artlı viza kirtäläre qoruwı, Rusiädä dä, Ukrainada da, Belarus''tä dä awır xislär genä uyata.
Kärim Kamal, Praga