Accessibility links

Törkiä parlamentı Ğıraqqa ğäskär cibärü mäs''äläsen qarıy


Waşington tönyaq Ğıraqta urnaşqan körd ğıysyançılarına qarşı köräşäçäk digän wäğdäne Ankarağa birgännän soñ,premier Erdoğan kiçä parlamenttan Ğıraqqa ğäskär cibärü mäs''äläsen raslaunı räsmi räweştä soradı.Kördlär, Ğıraq İdarä Şurası şulayuq törek cämäğätçelegeneñ zur öleşeneñ qarşı bulğan bu çara bugen parlementta tikşerelä başlandı.

AQŞ belän aylarça däwam itkän satulaşulardan soñ, nixäyät kiçä törk xökümäte 5 säğätlek cıyılış ütkärep , Ğıraqqa ğäskär cibärü mäsäläsen raslauı öçen parlamentqa möräcäğät itte.550deputattan torğan parlament mäsäläne sişämbedä yabıq işeklär artında tikşerä başladı. Yustitsiä ministırı häm xökümät süzçese bulıp torğan Cemil Çiçek kabinet, mäs''älä parlamentta raslanaçaq dip kötä dide.550 deputatlı parlamentta 175 urınğa iä opozitsiädäge Cömxöriät Xalıq partiäse AQpartiä xökümäten AQŞnıñ ütkän ayda birgän 8 yarım milliard dollarlıq kredit paketına cawap itep Ğıraqqa ğäskär cibärergä riza buluda ğäyepli. Premier Tayyip Erdoğan isä mart ayında parlamentnıñ Törkiädä 60meñ amerikan ğäskärieneñ urnaşuına qarşılıq kürsätüennän soñ kierenkelänep kitkän Ankara - WAşington mönäsäbätlären tözätü belän qızıqsına.Deputatlarnıñ borçıluın kimetü öçen bulsa kiräk Cemil Çiçek kiçä ğäskärlärebez Ğıraqta bilgelängän waqıt qına toraçaq dip äytte. Çiçek süzlärençä (audio) törek xärbiläre Ğıraqta ber yıl toraçaq .bez moñı parlamentqa cibärgän möräcäğättä dä belderdek.Bez anda daimi qalırğa cıyınmıybız. İnşallah solıx vä tınıçlıq urnaşır häm bez annan mömkin bulğan qädäre tizlektä, xättä bilgelängän waqıttan da elegeräk çığıp kiterbez. Çiçek xärbilärneñ qayda häm küpme sanda urnaştırılaçağı turında ber süz dä äytmäde. Ankara elegeräk 12 meñ ğäskär cibäräçäge turında äytkän ide.Waşington Ğıraqta wazğiätne stabillaştıru öçen üzeneñ 130meñ ğäskäriänä östämä küp sanda xärbi telär ide Könçığış Yevropa illäreneñ wäğdä itkän keçkenä kontingentlar xällärne ällä üzgärtmi älbättä. Däwlät Departamentı inde Pakstan, Hindistan kebek illärdän küp sanda ğäskär kiler digän ömeden yuğaltqan buluğa oşıy. Çönki alar İminlek Şurası rezolutsiäse bulsa ğına xärbi cibäräçäklären aldan äytep quydı. Ankaranıñ yaqlauın alu öçen Waşington ütkän atnada kördlärneñ PKK başkütärüçelärenä qarata aktivlıq alıp baraçağın belderde. Törkiäİranñğıraq çigendä yäşrengän 5meñ çaması PKK suğışçısı iminlegenö qurqınıç tudıra dip däğwä itä häm Waşingtonnıñ Marxist törkemgä qarşı çaralar kürüen teli . Waşington PKK yäki KADEK iseme belän yöretelgän Kördistan İreklek vä Demokratik Kongresın terror törkemnäre isemlegenä kertkän.Däwlät Departamentınıñ kontr-terrorizm bülege başlığı Black ütkän atnada Anakarağa amerika xärbiläre PKKğa qarşı aktivlıq alıp baraçaq digän garantiä birgän bulsa da, monıñ nindi çaralar ikänlege bilgele tügel. Ämma bolay da qıyın xäldä bulğan amerikan xärbiläreneñ Qandil taularında sıyınğan PKK suğışçıların ezläp şunduq yulğa çağaçağın bik uylap bulmıy, ayruça körd partizannarına qarşı doşmança xäräkätlär bälkim bolay da totrıqlı bulmağan wazğiätne tağı da qaqşatıp koalitsiä köçlären qıyın xäldä qaldıraçaq dip äytep bula torğandır.Premier Erdoğan yäkşämbedä bez AQŞnıñ PKKğa qarata kürgän çaraların qarap baraçaqbız dip äytep Waşingtonnı ğädel häm döres bulırğa çaqırğan ide. Cemil Çiçek Ğıraqta stabillıq Törkiäneñ iminlek vä täräqiäte öçen zarur dip äytep bolay dide.(audio) Ğıraq mäsäläse barlıq illärgä qarasa da, bezneñ öçen ayırm ähämiätkä iä Ğıraqtağı uñay vä tiskäre töräqiätlär Törkiägä berençe bulıp täsir itäçäk . Ğıraqta tınıçlıq stabillıq bulsa , bezneñ säyäsätkä dä uñay yoğıntısı bulaçaq xaos ,problemalar bezgä berençe bulıp turizm industriäsenä tiskäre yoğıntı yasayaçaq . AQ partiä xökümäte sonğı atnalarda Törkiä xärbiläre okupatsion köç,politsiä bulırğa cıyınmıy ul tik ilne tözekländerü eşendä bulışlıq kürsätergä teli digän fikerlär taratırğa tırıştı.Ämma kördlär dä xätta AQŞnıñ Bagdadta saylap utırtqan idarä şurası da törek xärbilären Ğıraqta kürergä telämäwlären açıq itep äytep quydı. Kördistan Demokratik Partiäseneñ Ankaradığı wäkile Safeen Dizai NTV televidiniäseneñ turıdan turı tapşıruında Törek xärbilärenä okupatsion köçlär dip qaralaçaq dip belderep , törek ğäskäriläre tönyaq Qıraqtan ütmäsen , başqa yuldan ütkärelsen dide.Ul Musulnun könyağında törek yök maşainalarına yasalğan höcümdä 3 törek şöfereneñ üterelüenä Ankara bik ciddi qararğa tieş dip tä östäp quydı.

färidä xämit, praga
XS
SM
MD
LG