İnde xäbär itkänebezçä düşämbe könne Semberdä İske Qulatqa rayonında Bötendönya tatar kongressı başqarma komitetınıñ küçmä utırışı buldı. Ä sişämbe könne Qazanda Başqarma komitetınıñ tatar xalqın üsterü strategiäse buyınça komissiä utırışı buldı. Utırışnı Rinat Zakirov açtı. Ul ber yıl elek tözelgän komissiä aldında nindi burıçlar quyıluı turında söyläde. Komissiä räise Damir İsxaqov tatar xalqınıñ törle töbäklärdäge xäle, inqirazdan qotılu yulları turında söyläde. Bu mäs’äläne öyränü buyınça etnologik monitoring üzäge tözelgän häm anda küpmeder mäglümat tuplanğan. Läkin ike-öç keşelek bu üzäk tatar xalqınıñ kiläçägen bilgeli alamı soñ. Fännär akademiäseneñ, däwlät strukturalarınıñ role nindi. Utırışta süz şunıñ turında bardı.
