Accessibility links

Кайнар хәбәр

Tatar tele uqıtuçıları ruxi tärbiä turında uylana


Düşämbe könne Tatarstannıñ uqıtuçılarnıñ belemen kütärü institutında tatar tele uqıtuçılarınıñ çirattağı kursları başlanıp kitte. Anda respublikanıñ barlıq diärlek rayonnarınnan 65 uqıtuçı cıyıldı. İnstitutta mondıy kurslar yış qına ütep tora. Läkin 13nçe oktäberdä üz eşen başlap cibärgän älege uqular üzençälekle. Bu yulı alar telne häm ädäbiätne uqıtu problemalarına ğına bağışlanmağan. Şuşı xaqta tulıraq mäğlümat alır öçen bez Uqıtuçılar belemen kütärü institutına möräcäğät ittek. İnstitutnıñ tatar tele häm ädäbiäten uqıtu metodikası laboratoriäse citäkçese Sirinä Trofimova Azatlıq tıñlawçılarına menä närsälär söyläde.

Älege kurslarğa bezneñ metodist uqıtuçılar cıyıldı. Kurslarnıñ eçtälegenä kilgändä alarda bez tatar telen uqıtudağı yaña metodikalarğa ğına iğtibar yünältmibez. Bu kurslarda bez xäzerge waqıtta ayıruça aktual’ bulğan uquçılarğa ruxi tärbiä birügä dä zur iğtibar biräbez. Uqular bara torğan 180 säğät däwamında bez bu tarmaqqa 26 säğät bülep birdek. Älege kurslar institutnıñ başqa laboratoriäläre belän bergälektä ütkärelä.

Kurslarnı täcribäle pedagog, laboratoriä metodistı, pedagogika fännäre kandidatı Zäkirä Xäbibullina alıp bara. Uqularda leksiälär belän xätta Diniä näzaräte wäkilläre dä çığış yasar dip kötelä. Şulay itep, xäzer tatar tele uqıtuçıların uqıtu ğına tügel, ä tärbiä metodikaları belän dä tanıştıraçaqlar.

Sirinä Trofimova belän söyläşkändä bez ul citäklägän laboratoriäneñ plannarı belän dä qızıqsındıq. Laboratoriä uqıtuçıları şuşı arada yıraq säfärgä cıyına ikän. Älege säfär turında Sirinä xanım menä nindi mäğlümatlar birde.

Şuşı arada bez tağın yıraq säfärgä cıyınabız. Bu yulı bezneñ laboratoriä uqıtuçıları Sverdlaw ölkäsenä baraçaq. Yekaterinburda bezneñ tatar tele uqıtuçıları öçen maxsus fakul’tet eşläp kilä. Bu yulı bezneñ inde dürtençe sessiä ütäçäk. Älege sessiädä bez töp iğtibarnı tatar ädäbiäten uqıtuğa yünältäçäkbez. Şulay uq bez Sverdlaw ölkäseneñ tatar tele uqıtuçıları arasında iñ yaxşı uqıtuçığa bäyge dä ütkärergä niätlibez.Şulay itep, Tatarstan çit töbäktäge tatar tele uqıtuçılarına da bulışırğa tırışa. Läkin şuşı yıraq ölkälärgä yärdäm külägäsendä respublikadağı tuğan telne öyrätü mäs’äläläre, telne öyrätüne qısqartu säbäple uqıtuçılarnıñ sanın kimetü kebek problemalar da iğtibarsız qalmasın ide.

Gölnaz İlgizär

XS
SM
MD
LG