Şartlawlar düşämbe häm sişämbe kiçlärendä bulğan. Binalarğa zıyan kilsä dä, yaralanuçılar yuq. Älegä bu şartlawlar öçen çawaplılıq belderüçelär yuq.
Düşämbe könne Äfğänstannıñ könyaq-könçığışında AQŞ xärbi maşinasına höcüm näticäsendä 3 amerikan soldatı ciñelçä yaralanğan.
Fransiä xärbi köçläer başlığı general Henri Bentegeat bügen 2 könlek säfär belän Qabulğa kilde.
Fransiä xärbiläre äytüençä, ul Xalıqara İminlek Yardäme Köçläre İSAFtağı fransuz soldatları häm Äfğän armiäsen öyrätüçe ofitserlar belän oçraşaçaq.
Kandahar töbägenä, turıdan-turı Amerikan idaräse astında xezmät itü öçen Fransiä maxsus köçläreneñ östämä 200-läp soldatı cibärelde.
Bügen Quşma Ştatlar Äfğänstandağı operatsiälärdä yardäm itü öçen 250 xärbi oçuçı cibäräçägen belderde.
