Mätbuğat häm politik köndäşläre tarafınnan Ğıraq säbäple nıq tänqitlängän Prezident G.Bush kiçä qarşı höcüm oyıştırıp irekle Ğıraq global revolutsiäneñ başlanğıç urını bulaçaq dip belderde. Demokratik bäyälärne cäyelderü öçen tırışqan National Endowment for Democracy oyışmasındağı notığında ilbaşı:
(audio)
Ğıraqta demokratiäneñ urnaşa almawı böten dönyada terrorçılarnı qıyulandıraçaq. Amerika xalqına qurqınıçnı arttıraçaq häm töbäktäge millionnarça keşeneñ ömetlären sünderäçäk. Ğıraqta demokratiä uñışqa ireşäçäk,häm bu uñış belän Damasktan Tehranğa qädär ireklek här ilneñ kiläçäge bula ala digän xabär cäyeläçäk.
Prezident Ronald Reagannıñ sovet kommunizmın cimergän kebek ,Bush yaqın könçığış häm başqa urınnarda demokratiäne cäyelderergä tırışa.Ul ğäräb ğalimnäreneñ küptän tügel genä äzerlägän xisabın telgä alıp,ireklek demokratiäneñ bulmawı säyäsi häm başqa ölkälärdä täräqiätkä kirtä buldı digän ğalimnärneñ süzlären sitat itep kiterde. Amerika soldatları här kön Ğıraqta häläk bulğan çığımnar astronomik sannarğa citkän ber waqıtta AQŞ kongresında häm mätbuğatında suğışnıñ bäyäse şul qädär yuğarı ki , ul bu bäyägä layıqmı digän sorawlar yışraq quyıla. Amerika cämäğätçelege Bushnıñ Ğıraq säyäsäten könnän kön azıraq yaqlı.Waşingtonda urnaşqan CATO institutı analitığı Patrick Basham süzlärençä demokratiäne cäyelderü –administratsiäneñ yaña kündermäse tügel,.älegäçä terrorğa qarşı köräş häm Ğıraq suğışı säbäple arttağı planda ide. Ämma politik şartlar şul sanda kiläse yılğı prezident saylawları säbäple ul yañadan iqtibar üzägenä kütärelde. Amerikannarnıñ zur öleşe R.Reagan sovetlarğa qarşı bik uñışlı köräş alıp bardı digän qaraşta . Bush üz tırışlıqların Reagannı qına bäylärgä tırışa . Basham süzlärençä Bush demokratik revolutsiä ideası yaqın könçığışta cäyelä bara dip ışana,prezident kündermäse ber yk waqıtta yaxşı politika bulıp tora .Basham
(audio)
Prezident Bush 2004nçe yıl saylawlarına böten xalıq , böten ilgä uñay kündermä cibärergä teli Minem kiläçäk öçen qaraşlarım bar, bälkim dä sez anıñ bötene belän kileşep citmisez, ämma min ilne qaya alıp barırğa teläwemne beläm, bezneñ tışqı säyäsät nindi bulırğa tieş min beläm. Min dönyanıñ nindi bulırğa tieşlegen beläm .ägär mine yaqlasagız bez bu mäqsatqa taba progress yasarbız.
Bush yaqın könçığışta demokratik üzgäreşlärgä çaqırsa da ,ul töbäkneñ ireklek häm progrestan yıraq buluında AQŞnıñ tarixi ğäyebe bar dip işarä itte. .Bush
Könbatış illäreneñ 60yıl buyına yaqın könçığışta ireklekneñ bulmawın qabul itep kilüe , bezne iminräk xälgä kitermäde.ozın möddätne küzdä totqanda totrıqlılnı ireklek xisabına satıp alıp bulmıy.Yaqın könçığış ireklekneñ çäçäk atqan urın bulmağan möddätçä, ul tınıçsızlıq köç qullanunı eksport itä torğan urın bulıp qalaçaq.
Bush islamnıñ demokratiä belän kileşle buluına basım yasap , Bahrain,Qatar ,Kuwait kebek AQŞ berektäşe illärneñ yasağan progressqa iqtibar cälep itte.İran ,Süriä kebek illär isä tänqitlände.İzrael-fälästin konfliktında İzrael okupatsiäse çitkä qağılıp,demokratik reformalarnı tuqtatuçılar fälästinnärneñ uñışqa ireşüenä kirtä bula dip äytelde. Bushnıñ yaqın könçığışta keşe xoquqları ,demokratiä turında söyläwe, bu mäsälädä töbäktä Waşingtonğa ışanıç küpme mikän digän soraw tudıra. Bushnıñ üz süzläre belän äytkändä AQŞ küp yıllar buyına Misır, Suğut Ğäräbstäne kebek illärne yaqlap kilde.Misır AQŞtan iñ küp yardäm alğan illär isemlegendä 3nçe urında tora.Ğäräb diplomatları häm ğäräb komentatorları Bushnıñ demokratiäne ğäräblärgä satuında töp problema , ğäräblärneñ aña ışanmawında , ägär dä siñ satuçığa ışanmasan anıñ satqan äybere yaxşı bulsa da , towarın satıp almisın dip söyli.
färidä xämit,praga
färidä xämit,praga