Accessibility links

Кайнар хәбәр

Er-Riadta bulğan şartlawlar öçen Söğüd räsmiläre Äl-Qaidä çeltären ğäyepli


Yäkşämbegä qarşı töndä Er-Riadnıñ könbatış yağında urnaşqan Muhaya bistäsendä terror xöcüme yasaldı. Bu toraq bistädä urnaşqan 200-läp yortta nigezdä çit il keşeläre yäşägän, kübese -- ğäräplär. Söğüd räsmiläre äytüençä, xöcümne politsiä kiemenä kiengän Äl-Qaidä suğışçıları başqarğan. Alar berniçä bulğan. Şartlatqıç töyälgän politsiä maşinası bistägä bärep kergäç atışular başlanğan. Ber-ber artlı 3 şartlaw yañğırağan. Tirä yaqtağı yortlarğa ut qapqan.

Qorbannar sanı älegä tögäl mäglüm tügel, qotqaruçılar xäräbälärne aqtaruın däwam itä. Söğüd räsmiläre äytüençä, kimendä 11 keşe, şul isäptän 4 bala, xäläk bulğan, 100-dän artığı yaralanağan. Alar arasında 20-läp ilneñ keşese bar. Yaralanğannarnıñ berse, Livan xatını äytüençä, bu bistädä çit il keşeläre yäşägän, kübese urta xälle ğäräp belgeçläre bulğan:

Audio (Livan xatını)

"Bu bistädä çit il keşeläre yäşi ide, ämmä 3 kvartalnı ğäräplär alıp tora, kübese Livannan. Bu xöcümneñ kemgä qarşı ikänen, Wallahi, añlamıym."

Söğüd televideniese xäbärçese şartlaw bulğan urınınnan bolarnı xäbär itte:

Audio (Söğüd televideniese)

"Bu terrorçılar eşe. İzge Ramazan ayında alar menä nişläde. İslam isemennän eş itep, bu keşelär möselmannarğa zıyan kiterä."

Söğüd başqalasında bulaçaq ixtimal xöcümnär turında Amerikan räsmiläre, küzläw mäglümätlärenä nigezlänep, comğa kiçendä ük belderep quyğan ide. Er-Riadtağı amerikan wäkilçelekläre aldan uq yabıldı. Xöcümneñ ni öçen näq menä Muhaya bistäsendä bulğanı, küplär öçen äle dä añlaşılmıy.

Qorbannar sanı älegä töğäl tügel, bu san artırğa mömkin. Söğüd räsmiläre äytüençä, ülüçelär arasında 4 Livan, 4 Misır, 1 Sudan, 1 Hindstan keşese bar. Livan ilçelege 3 Livanlınıñ ülüwen rasladı: şul isäptän, ber xatın-qız, 5 yäşlek malay häm 3 yäşlek qız.

Söğüd Eçke eşlär ministrlığı belderüençä, Maynıñ 12-sendä bulğan xöcüm näq şul räweştä başqarılğan bulğan. Ul çaqta 35 keşe xäläk bulğan ide, şul isäptän, xäcümne başqarğan 9 intiharçı da. Räsmilär ul xäcüm öçen Äl-Qaidäne ğäyeplägän ide.
XS
SM
MD
LG