Amsterdam. Xalıqara atom energiäse idaräse başlığı Möxämmäd äl-Baradei bügen, Liviä üz atom qoralın buldıruğa yaqın tormağan kebek kürenä dip belderde. "Reuters" agentlığına ul Amsterdamda, "alar qoral citeşterügä yaqın tormağan, läkin bez alay da anda barıp wäzğiatne üz küzlärebez belän kürergä häm alar belän fiker alışırğa tieşbez" digän süzlär äytte. Bügen äl-Baradei Liviä başqalası Tripoligä kilä, anda ul ilneñ citäkçeläre belän, Liviäneñ bu aydağı, bez küpläp yuq itü qoralları programmasınnan waz kiçäbez digän wäğdäsen tikşerü xaqında söyläşäçäk. Bu uñaydan anda da, Ğiraqtağı tösle, xalıqara inspeksiälär ütkärü küz aldında totıla.
