Baş prokuraturanıñ xezmätkäre Valeriy Laxtin Yukosnıñ elekke başlığı qaça ala. Monı anıñ qayber elekke xezmätkärläre eşläde digän argument alğa sörde. Anıñ advokatları isä, Xodorkovskiynıñ MENATEP aksiäläre häm anıñ MENATEP yaki YUKOSta nindi dä bulsa vazıyfaları da yuq. Şulay uq YUKOSnıñ xäzer oçqıçı da , boralağı da yuq , çit il pasportı da tartıp alındı , şul säbäple qaça almıy digän argument belän törmäne , öy sağı belän almaştırunı täqdim ittelär. Ämma, läkin, xakim prokurornı xaqlı taptı. Xodorkovskiy advokatları şähär mäxkämäseneñ bu qararın Yuğarı Mäxkämägä şikayät itärlärme-yuqmı, anısı älegä bilgesez. Advokatlarnıñ berse Karina Moskalenko bügenge qarardan soñ, xätta Keşe xoquqları buyınça Strasburgtağı Yevropa Mäxkämäsenä dä möräcäğät itep bula dip belderde. Älege qararğa esasän, Xodokorskiy Russiädä prezident saylauları ütkännän soñ ğına irekkä çığarıla ala. Şuşı tıñlaularda Xodorkovskiy üze turıdan-turı qatnaşmadı . Tik video elemtäse aşa ğına üz fikerlären belderä aldı. Ul qulğa alınudan elek ük qaçarğa ciınmauın, törmädän çığarılğan xäldä dä, xökem protsesına qatnaşaçağına finans garantiä birergä äzer toruın, barlıq postlarınnan çigengän buluı säbäple, ekonomik cinayät tä eşli almayaçağın belderde. Ul şulay prokuraturanıñ tanıqlarğa täsir itärgä tırışqan buluı turındağı ğäeplävlärne dä kire qaqtı. Qayber xäbärlärgä qarağanda Russiä xakimitläre xäzerge vaqıtta çit illärdä yäşävçe YUKOSnıñ tağı da ike töp xucası Leonid Nevzlin belän Vladimer Dubovnıñ qulğa alınuı öçen kürsätmä birgän. İnterfaxnıñ xäbärençä, Nevzlin salım tülämävdä, Dubov falsifikatsiädä ğäyeplänä ikän. Xodorkovskiynıñ irekkä çığarlmauı, başqa qayber xucalarnı da qulğa alırğa tırışu YUKOSqa qarşı kampaniäneñ häm qatı-qul politikasınıñ dävam itüen kürsätä. Monda YUKOS, prezidentlıqqa kandidatlarda İrina Xakamadanı finans yaqtan yaqlıy digän xäbärlär rol uynıymı digän sorauğa cavap birüe qıyın. Läkin, Xodorkovskiy qulğa alınğaç, monda 90-nçe yıllardağı xosusiläşterü politikası ramnarında bayu tügel, ä anıñ oppozitsion partiälärne yaqlauı säbäp buldı digän fiker belderelgän ide. Küräseñ, Putin hem aninñ silovikları mondıy xatalarnı ğafu itmilär.
Färit İdelle, Praga.
Färit İdelle, Praga.