Berläşkän Millätlärneñ İminlek Şurası üzeneñ gruzin-abxaz nizağına bağışlanğan utırışın Tbilisidä xakimiat almaşqannan soñ berençe märtäbä ütkärä, xörmätle tıñlawçılar. Läkin şuña da qaramastan, Şuranıñ inde 11 yıl däwam itkän qorallı nizaqnı xäl itügä nindider yaña ber etärgeç birü ixtimalı zur tügel. Gruziädäge yaña xakimiat tä Abxaziä mäs''äläsendä elekke säyäsätne däwam itä diärgä bula. İlneñ maxsus eşlär ministrı Malxaz Kakabadze İminlek Şurasınıñ gruzin-abxaz nizağına bağışlanğan yabıq utırışında Rusiäne abxaz separatistların yaqlawı öçen kisken tänqitläp çıqtı. Şura äğzalarına ul Gruziä xökümäteneñ şuşı ölkädäge qaraşların çağıldırğan maxsus belderüen citkerde. Anda räsmi Tbilisi üzeneñ nizaqnı barı tik tınıç yullar aşa ğına çişü eşenä tuğrı buluın äytsä dä, Abxaziä Gruziäneñ ayırılğısız ber öleşe bulıp qala dip belderä häm xätta İminlek Şurasınıñ abxaz citäkçelärenä bu mäs''älädä basım yasamawına gruzin yağınıñ ükenüen citkerä. Kakabadze şulay uq Rusiä Abxaziäne üzenä quşarğa teli digän ğäyepläwlärne qabatlıy, monı raslaw yözennän ul Mäskäwneñ abxazlarğa Rusiä watandaşlığı birüen, Abxaziä belän Rusiä arasında timer yul bäyläneşe açıluın, Gudautada urıs xärbi nığıtması buluın dälil itep kiterä. Anıñ süzlärenä qarağanda, Tbilisidäge yaña xakimiat Rusiä belän mönäsäbätlärdä yaña säxifä açarğa teli. Monı xäbärçelär belän söyläşkändä Gruziäneñ Berläşkän Millätlärdäge wäkile Revaz Adamia dä belderä:
Audio, Revaz Adamia
"Bez Rusiäneñ Gruziädä, bar könyaq Kavkazda üz mänfäğätlären qayğırtuın xuplayaçaqbız, läkin bu xärbi çaralar aşa, urıs nığıtmaların saqlaw häm töbäktäge nizaqta quş standartlar qullanu yardämendä eşlänmäskä tieş" di Berläşkän Millätlärdäge gruzin wäkile. Rusiäneñ İminlek Şurasındağı daimi wäkile Sergey Lavrov bu atnada, Rusiä Gruziädän üz ğäskärlären çığarğançı Tbilisi başta üzara ışanıçnı arttırırlıq çaralar kürergä tieş dip beldergän ide. Kakabadze Abxaziä eşläre belän elekke gruzin xökümätendä dä şöğellände, Tbilisidä xakimiat almaşınğaç ul Rusiägä qarata beraz yomşağraq bulır dip kötelgän ide. Läkin anıñ soñğı belderüläre andıy ömetlärne yuqqa çığardı. Berläşkän Millätlärdä, Gruziä Abxaziä häm Rusiä xärbi nığıtmaları mäs''äläsen kütärep döres eşli, bu anıñ xoquqı dip uylasalar da, monı dorfa itep, İminlek Şurasındağı Rusiä wäkillären açulandırıp eşläw nizaqnı xäl itügä bulışmıy digän fikerdä toralar. Şuradağı ber Könbatış diplomatı radiobız xäbärçesenä, "Rusiä belän naçar mönäsäbätlär bulğanda sez abxaz nizağına çişeleş taba almayaçaqsız" dip beldergän. Bu uñaydan qayber Könbatış wäkilläre Gruziäneñ yaña xökümätenä üzeneñ abxaz yünäleşendä säyäsäten äwzemläşterüne täqdim itä. Elekke amerikan diplomatı David Philips, misal öçen, Abxaziädä solıx urnaştıru eşenä urıslarnı ğına tügel, başqa illärne dä kübräk cälep itärgä kiräk dip isäpli.
Audio, David Philips
"Gruziäneñ yaña tışqı eşlär ministrı Tedo Caparidze üzeneñ töp östenlek birelgän eşe itep töbäktäge tınıçlıq saqlawnı tağın da nığraq xalıqara itüne quyarğa tieş, bu Berläşkän Millätlärdä İminlek Şurasınıñ biş daimi äğzası belän utırıp eşläwne häm kileşügä ireşergä tırışunı añlata" di David Philips. Ul, Abxaziädäge tınıçlıq saqlaw köçlärendä älegä urıslarnıñ ğına qatnaşuı yardämnän bigräk nizaqnı çişügä kirtä bulıp tora dip isäpli.
Kärim Kamal, Praga
Audio, Revaz Adamia
"Bez Rusiäneñ Gruziädä, bar könyaq Kavkazda üz mänfäğätlären qayğırtuın xuplayaçaqbız, läkin bu xärbi çaralar aşa, urıs nığıtmaların saqlaw häm töbäktäge nizaqta quş standartlar qullanu yardämendä eşlänmäskä tieş" di Berläşkän Millätlärdäge gruzin wäkile. Rusiäneñ İminlek Şurasındağı daimi wäkile Sergey Lavrov bu atnada, Rusiä Gruziädän üz ğäskärlären çığarğançı Tbilisi başta üzara ışanıçnı arttırırlıq çaralar kürergä tieş dip beldergän ide. Kakabadze Abxaziä eşläre belän elekke gruzin xökümätendä dä şöğellände, Tbilisidä xakimiat almaşınğaç ul Rusiägä qarata beraz yomşağraq bulır dip kötelgän ide. Läkin anıñ soñğı belderüläre andıy ömetlärne yuqqa çığardı. Berläşkän Millätlärdä, Gruziä Abxaziä häm Rusiä xärbi nığıtmaları mäs''äläsen kütärep döres eşli, bu anıñ xoquqı dip uylasalar da, monı dorfa itep, İminlek Şurasındağı Rusiä wäkillären açulandırıp eşläw nizaqnı xäl itügä bulışmıy digän fikerdä toralar. Şuradağı ber Könbatış diplomatı radiobız xäbärçesenä, "Rusiä belän naçar mönäsäbätlär bulğanda sez abxaz nizağına çişeleş taba almayaçaqsız" dip beldergän. Bu uñaydan qayber Könbatış wäkilläre Gruziäneñ yaña xökümätenä üzeneñ abxaz yünäleşendä säyäsäten äwzemläşterüne täqdim itä. Elekke amerikan diplomatı David Philips, misal öçen, Abxaziädä solıx urnaştıru eşenä urıslarnı ğına tügel, başqa illärne dä kübräk cälep itärgä kiräk dip isäpli.
Audio, David Philips
"Gruziäneñ yaña tışqı eşlär ministrı Tedo Caparidze üzeneñ töp östenlek birelgän eşe itep töbäktäge tınıçlıq saqlawnı tağın da nığraq xalıqara itüne quyarğa tieş, bu Berläşkän Millätlärdä İminlek Şurasınıñ biş daimi äğzası belän utırıp eşläwne häm kileşügä ireşergä tırışunı añlata" di David Philips. Ul, Abxaziädäge tınıçlıq saqlaw köçlärendä älegä urıslarnıñ ğına qatnaşuı yardämnän bigräk nizaqnı çişügä kirtä bulıp tora dip isäpli.
Kärim Kamal, Praga