Gruziäneñ üzbilgelängän Acarstan töbäge tiräsendä wazğiät qıza bara. Acar citäkçese Aslan Abaşidze töbäktä ğädättän-tış xäl iğlan itep, komendant säğäte kertte. Kiçä töbäkkä kertelmägän Gruziä prezidentı Mixail Saakaşvili bügen xökümätneñ ğädättän-tış utırışın ütkärde. Acarstan citäkçelärenä üzäk xökümätkä buysınır öçen ul bügen kiçkä qädär waqıt birde. Saakaşvili, xärbi köçlärne äzerlek xälenä kiterep, Acarstan çigenä ğäskär tupladı. Räsmi Mäskäwne bu qarşılıqqa tıqşınmasqa çaqırdı. Acarstan başqalası Batumida Rusiäneñ xärbi nığıtması bar. Rusiä räsmiläre Tbilisinı köç qullanmasqa çaqıra.
