İran räsmiläre Xalıqara Atom Energiä İdaräse inspektorlarına şuşı ay axırına ilgä kilep tikşerülär ütkärergä röxsät birgän. Bu turıda bügen Washingtonda İdaräneñ başlığı Möxämmät Äl-Baradei xäbär itte. Uzğan atnada İdarä, İrannı, atom programmasın yäşergäne öçen tänqitlägän qarar qabul itte. Moña protest belderep räsmi Tähran, inspektorlarnıñ säfären kiçekterde. Äl-Baradei bu adımğa ükeneç belderde, ämmä tikşerü öçen äle waqıt bar dide. Quşma Ştatlar İrannı yäşeren räweştä atom qoralın citeşterüdä ğäyepli. Töhran üze bu ğäyepläwne kire qağa.