Accessibility links

Кайнар хәбәр

Paqstanda 100dän artıq suğışçı qulğa alınğan


İlneñ tönyaqkönbatışında oyıştırılğan xärbi çara waqıtında Al Qaida äğzaläre buluda şiklänelgän 100dän artıq suğışçı qulğa alınğan. General – leytenant Safder Hössäin belderüençä, qulğa alınğannarnıñ kübese – çit il keşeläre häm alarğa sıyınu birgän paştu qabiläläre keşeläre bulğan. Mäğlüm bulğança Paqstan xärbi köçläre bu töbäktä Al Qaidanıñ "yuğarı däräcädäge wäkilläreneñ bersen" ezli. Hössäin süzlärenä qarağanda älege "yuğarı wäkil" çeçen yä üzbäk bulırğa mömkin, çönki bäreleşlär barğan urında totılğan radio signallarda çeçen häm üzbäk telläre işetelgän. Ämma bu "yuğarı däräcädäge wäkilneñ" inde qaçıp qotılğan buluı da ixtimal, dide general – leytenenat Safder Hössäin.
XS
SM
MD
LG