İspaniä başqalasında bulğan terror höcümendä hälak bulğannarnıñ sanı 202dän 190 keşegä kimede. Eçke eşlär ministrlığınıñ matbuğat wäkile Richard İbanez, bu – DNA testları yasalğannan soñ mäğlüm buldı, dip xäbär itte.
İspaniä mäxkämäse Madrid şartlawları belän bäyle buluda şiklänelgän tağın 4 keşene älegä törmädä qaldıru turında qarar qabul itte. 3 Morokko watandaşı häm ber ber ispan keşese – tikşerülär barışında törmädä qalaçaq.
Şulay uq terror höcümnärenä qatnaşı buluda şikänelgän 13 keşe, alar arasında Morokkonıñ 10 watandaşı totqında qala.
Rusiä prezidentı Vladimir Putin bügen, İspaniädäge höcümnär – terrorğa qarşı suğışnı berlektä alıp baru kiräklegenä tağın ber dälil, dip belderde. Xalıqara cämäğätçelegeneñ köçen berläşterü – terrornı yuq itü öçen genä tügel, başqa global problemalarnı çişü öçen dä faydalı bulaçaq, dip östäde Rusiä ilbaşı.
