Accessibility links

Кайнар хәбәр

Ğiraqnıñ Falluca şähärendäge ğisyançılar belän AQŞ köçläre arasında ğämümän alğanda tınıçlıq saqlana


Ğiraqnıñ Falluca şähärendäge baş kütärüçelär belän amerikan köçläre arasında 6 kön däwam itkän atışlardan soñ xäzer anda ğömümän alğanda tınıçlıq urnaşqan, atışlar siräk kenä bulğalıy dielä. Töz atuçı märgännär 2 amerikan xärbien yaralağan, annan soñ uramdağı bäreleştä qorallanğan ber ğiraqlı üterelgän.

Reuters xäbär agentlığı Ğiraq İdarä Şurası äğzası häm ğisyançılar belän aradaşçı Mäxmüt Otmannıñ atışlarnı tuqtatıp torunıñ berençe öleşe 12 säğät däwam itä digän süzlären tapşıra. Ämma Otman bu tınıçlıq nıqlı tügel, söyläşülär alğa taba däwam itä dip äytkän.

Ğisyançılar ägär dä AQŞ köçläre şähärdän çigensä atışlarnı däwam itmäskä wäğdä birgän dip xäbär itelä. AQŞ xärbi citäkçeläre Fallucadağı ğisyançılardan qoralların taşlawnı häm 31-nçe martta 4 amerikan eşçesen üterep alarnıñ mäyetlären mısqıllağan keşelärne Amerikan xärbilärenä tapşırunı taläp itte

Bügen Ğiraqtağı koalitsiä köçläre wäkile Bağdadtan könbatışta AQŞ boralağı atıp töşerelde, 2 oçuçı hälak buldı dip belderde.

AQŞ generalı Mark Kimmit Bağdadtan könbatışta urnaşqan Baquba şähärendä comğa könge bäreleşlärlärdä 1 amerikan soldatı häm 20 ğiraqlı hälak buldı dide.

Ğiraqtağı ğisyançılar, ägär dä AQŞ köçläre Fallucadan çigenmäsä totıq itep alınğan amerikan watandaşın üterü belän yanadı. Comğa könne totıq itep alınğan bu amerikalı töşerelgän videoyazma äl-Cäzirä televidenisennän kürsätelde. Bu atnada Ğiraqta berniçä çit il watandaşı üterelde, totıq itep alındı yäki yuğaldı. Totıqlar a arasında 3 yapon watandaşı da bar. 2 amerikan soldatı, 1 britan, 1 kanadalı 1 fälestinle häm Germaniä ilçelegeneñ 2 saqçısı yuğaldı.

Britaniäneñ Daily Telegraph gazetı xäbärçese äytüençä, ğiraqlılar aña 2 almannıñ mäyeten kürsätkän. Germaniä tışqı eşlär ministrlığı bu ike keşe ülgän bulırğa oxşağan digän belderü tarattı. Bügen äl-Cäzirä televideniese 2 könbatış keşeseneñ uramda yatuçı mäyetlären kürsätte. Alarnıñ qayçan üterelgän buluı häm kemnär mäyete buluı mäğlüm tügel.

Yaponiä Ğiraqta totıq itep alınğan 3 watandaşınıñ qayda buluın yäki imin bulu-bulmawın raslıy almawı turında bedlerde. Ammanda Yaponiä tışqı eşlär ministrı urınbasarı İşiro Aisawa jurnalistlarğa alarnı qotqaru öçen härtörle tırışlıq kürsätelä dide:

AUİDO: Bezdä berniçä matbuğat xäbäre häm törle çığanaqlardan alınğan mäğlümät kisäkläre bar, ämma bezneñ maqsat totıqlarnı tiz arada aza itü. Häm min ul maqsata ireşü öçen az ğına bulsa da qıyınlıq tudırırğa mömkin belderülär yasawdan tıyılıp qalırğa telim. Elegräk Tokiodağı räsmilär totıqlarnıñ imin buluı häm bügen irtän azat iteläçäge turında beldergän ide. Bu 3 totıqnıñ 2-se yardäm xezmätkäre, 1-se fotojurnalist. Ğiraqta moñarçı mäğlüm bulmağan törkem, ägär dä Yaponiä Ğiraqtan üz ğäskärlären çığarmasa bu totıqlarnı yandırıp üterü belän yadandı. Yaponiä Ğiraqta tözekländerü häm humanitar çaralarda qatnaşuçı 550 keşelek ğäskären çığarudan baş tarta. Naif Aqmal, Praga.
XS
SM
MD
LG