Accessibility links

«Mizgel» klubı «Sälät» oyışması belän aranı yaqınayttı


Qazandağı «Sälät» oyışması da, Çallıdağı «Mizgel» klubı da, ayırım-ayırım, härberse üz şähärendä ällä niçä yıl eşläp kilgän. Ber-berse turında işetkännäre bulsa da, moña qädär şulay itep, räsmi räweştä yöreşkän bulmağan. Bu - berençe oçraşuları ikän. «Sälät» fondı, yäşlärgä östenlekle yaqların üsterergä yärdäm itsä, «Mizgel» klubı tatar millätçelären tärbiäli. Ämma ike oyışmanı berläştergän äyber dä bar, alar ikese dä zamança da, milli da möhittä yäşärgä öyrätä. «Sälät» fondı binasında Qazan häm Çallı yäşläre qara-qarşı utırıp söyläşkännän soñ, yäşlär äzerlägän konsertnı qaradı. «Sälät»neñ gimnı da yañğıradı, «Mizgel»neñ dä üz cırı cırlandı.

Qazan yäşläre üzläre çığarğan cırların da başqarıp kürsätte, Çallı yegetläre-qızları da xalıq cırların suzıp cibärde. «Mizgel» belän «Sälät» yäşläre Qazan belän Çallı arasın yaqınaytıp, kiläçäktä dä oçraşıp torırğa söyläşte, häm urtaq proyektlar alıp baru turında kileşte. Bu kiçä şimbä köne ütsä, yäkşämbe könne, irtän Tatar Kongressı binasında «Mizgel»lär, şuşı klubnıñ alanında yal itkän Qazan yäşläre, küptänge dusları belän oçraştı.



Bikä Timerova.

XS
SM
MD
LG