Tağı ikesen totıq itep alğannar. Bu xaqta Tışqı eşlär minstrlığı wäkile Aleksandr Yakovenko xäbär itte. Hälaq buluçı 44 yäşlek Aleksey Konorev Sverdlovskiy ölkäsennän. Bağdadtan ille çaqırım yıraqlıqtağı yulda, qorallı törkem Rusiä belgeçläre utırğan maşinağa höcüm itkän. Keşe urlawçılar äle bernindi taläp tä beldermägän. Ğiraqta Rusiä watandaşların totıq itep alu, ikençe oçraq. 12 apreldä şul uq "İnterenergoservis" şirkäteneñ sigez keşese totıq itep alınğan ide. Alarnı ul waqıtta ber täwlektän soñ kire qaytardılar.
