Yäkşämbe köne Ğiraqta yaña qorbannar alıp kilde. Amerikan xärbiläreneñ Bagdadtağı xärbi nığıtması yanında maşinağa quyılğan bomba şartlaw näticäsenä kimendä 7 keşe xäläk bulğan. Bilgesez keşelär Ğiraqnıñ Mäğärif ministrlığı räsmie Kamal Äl-Carra'ğa xöcüm itkän. Ul alğan cäräxätlärdän xastaxanädä ülgän. Frans Press mäglümätenä qarağanda uzğan töndä Bagdad tiräsendä amerikan xärbiläre belän atışular waqıtında 6 ğiraqlı ülgän. Kirkuk şähärendä tanılğan körd ruxanie İyad Xörşid üterelgän.
