Bügen Mäskäwneñ Meççan mäxkämäsendä başlanğan, Yukos kompaniäseneñ elekke citäkçese Mixail Xodorkovski häm töp aksionerlarnıñ berse Platon Lebedev eşen tikşerü - bilgesez waqıtqa kiçekterelde. Kiçekterüne, sälämätlege säbäple, Xodorkovskinıñ advokatı Genrix Padva sorağan. Ul sişämbedä genä küzenä operatsiä yasatqan bulğan. Xodorkovski belän Lebedev xärämäläşü, salımnan qaçuda ğäyeplänä. Xodorkovskinıñ ikençe advokatı, Kanadalı Robert Amsterdam, utırış aldınnan jurnalistlarğa bolay dip belderde:
Audio (Robert Amsterdam)
"Min bu utırıştan bernindi yañalıq kötmim. Bu ildä iñ yaxşı kompaniälär yuq itelä, alarnıñ citäkçeläre qanunsız räweştä törmägä utırtıla."
Xodorkovskinıñ tarafdarları bu eş artında säyäsät tora dip sanıy. Yukos başlığı opozitsiädäge partiälärgä yärdäm kürsätkän ide. Rusiä pezidentı Putin, bu ğäyepläwlärne kire qağıp, salımnan qaçu ğafu itelmiäçäk, başqa eşquarlar da cawapqa tartılırğa mömkin, digän ide.
Audio (Robert Amsterdam)
"Min bu utırıştan bernindi yañalıq kötmim. Bu ildä iñ yaxşı kompaniälär yuq itelä, alarnıñ citäkçeläre qanunsız räweştä törmägä utırtıla."
Xodorkovskinıñ tarafdarları bu eş artında säyäsät tora dip sanıy. Yukos başlığı opozitsiädäge partiälärgä yärdäm kürsätkän ide. Rusiä pezidentı Putin, bu ğäyepläwlärne kire qağıp, salımnan qaçu ğafu itelmiäçäk, başqa eşquarlar da cawapqa tartılırğa mömkin, digän ide.
