İnguşetiädä 3 könlek matäm köne, xörmätle tıñlawçılar, ä bar dönya xäzer Tönyaq Kavkazda yaña suğış başlanu ixtimalı xaqında uylana. Sişämbegä qarşı töndä berniçä yöz dip farazlanğan ğısyançı İnguşetiädäge xakimiat binalarına höcüm yasap, federallar yağında, soñğı mäğlümatqa qarğanda, kimendä 75 keşene üterde. Bu sannı çärşämbedä İnguşetiäneñ eçke eşlär ministrlığı iğlan itte, äytkändäy, älege ministrlıq xäzerge waqıtta citäkçesez, ğısyançılar belän bäreleşlärdä ministr wazifaların ütäwçe Äbükar Kostoev üze, anıñ urınbasarı Ziyautdin Kotiev ta hälak buldı. Xäbärlärgä qarağanda, höcüm yasawçılar berençe çiratta eçke eşlär ministrlığı köçlären, iminlek xezmäte wäkillären, yäğni şul töbäktä Rusiä xakimiaten ğäwdäländergän qüwät ministrlıqları xezmätkärlären yuq itärgä tırışqan. Moñardan tış ğısyançılar qulına şaqtıy ğına qoral da eläkkän, häm bu Rusiä xakimiate öçen iñ qurqınıç xäbärlärneñ berse bulıp tora. Şuşı qoral xäzer bik ciñel genä bar töbäkkä taralıp, federallarğa qarşı qullanıla ala. Höcüm itüçelärneñ sanı, ğomumän, alarnıñ xäzer qayda buluı turında mäğlümat haman da anıq tügel. Rusiä basmaları, höcümneñ yaqınça 200-300-läp ğısyançı tarafınnan yasaluı turında xäbär itä, läkin alarnıñ kem buluı tiräsendä bäxäslär däwam itä. Üzäk xakimiat baştan uq, bu çäçän qarşılığınıñ Şamil Basaev kebek citäkçeläre eşe dip belderde, soñraq moña Aslan Masxadovnı da bäylärgä tırışıp qaradı. Läkin İnguşetiädän alınğan xäbärlärgä qarağanda, federal köçlärgä höcüm itüçelär arasında küpçelekne inguşlar täşkil itkän. Alarnı kürgän cirle xalıq şulay dip belderä. Radiobıznıñ Nazran''däge xäbärçese Aslanbek Dadaev ta üz xäbärendä şuña iğtibar itä.
Audio, Aslanbek Dadaev
Radiobıznıñ Nazran''däge xäbärçese Aslanbek Dadaev. İnguşetiädäge höcümnärneñ cirle suğışçılar tarafınnan yasaluı xaqında çäçän qarşılığınıñ İnternettağı "Kavkaz-Tsentr" säxifäse dä xäbär itä. Anda inguş möcähidläre isemennän maxsus belderü bäyän itelde, höcüm öçen cawaplılıqnı alar üz östenä ala. Monıñ çınnan da şulay bula aluına ğısyançılarnıñ bäreleşlärdän soñ kinät kenä häm yuğaltularsız diärlek yuqqa çığuı da işarä itä. Federallarğa xäzer çäçännärneñ genä tügel, inguşlarnıñ da qarşılıq kürsätä başlawı Mäskäwne, suğışnıñ bar töbäkkä cäyelü ixtimalı aldında qaldıra. Sişämbegä qarşı bulğan xällär İnguşetiä öçen täwge tügel. Aprilneñ 6-sında anda prezident Morat Zäzikovqa höcüm yasalğan ide. Rusiä citäkçelege isä monı çäçän suğışçılarınıñ tirädäge töbäklärdä qurqu xisen taratu teläge belän añlata. Sişämbedä İnguşetiädä bulıp kitkän prezident Putin bu uñaydan menä närsä di:
Audio, Vladimir Putin
Putinneñ Könyaqtağı wäkile Vladimir Yakovlev älege fikerne tağın da tiränäytä, anıñ süzlärenä qarağanda, çäçännär şul höcümnär yardämendä, üzlärenä xalıqara iğtibarnı arttırırğa, kübräk aqça cälep itärgä omtıla. Mäskäwdäge Etnopolitik häm töbäk tikşerenüläre üzäge mödire Vladimir Mukomel dä, İnguşetiä höcümnäre artında çäçän qarşılığı toruı turında belderä häm alarğa, yäğni Mäskäwgä qarşı torğan çäçän xäräkätenä, üzeneñ şuşı töbäktä haman da xälitkeç rol'' uynawın kürsätü kiräk, höcümnär şul maqsatta yasaldı dip añlata.
Audio, Vladimir Mukomel
Vladimir Mukomel İnguşetiä höcümnäre çäçän suğışınıñ yaña çorğa kerüen añlatmıy dip uylıy, läkin niçek kenä bulmasın, prezident Putin töbäkkä östämä ğäskär cibärü häm höcüm öçen cawaplı ğısyançılarnı yuq itü ämeren birde. Andağı federallar yaña höcümnär kötep yäşi.
Kärim Kamal
Audio, Aslanbek Dadaev
Radiobıznıñ Nazran''däge xäbärçese Aslanbek Dadaev. İnguşetiädäge höcümnärneñ cirle suğışçılar tarafınnan yasaluı xaqında çäçän qarşılığınıñ İnternettağı "Kavkaz-Tsentr" säxifäse dä xäbär itä. Anda inguş möcähidläre isemennän maxsus belderü bäyän itelde, höcüm öçen cawaplılıqnı alar üz östenä ala. Monıñ çınnan da şulay bula aluına ğısyançılarnıñ bäreleşlärdän soñ kinät kenä häm yuğaltularsız diärlek yuqqa çığuı da işarä itä. Federallarğa xäzer çäçännärneñ genä tügel, inguşlarnıñ da qarşılıq kürsätä başlawı Mäskäwne, suğışnıñ bar töbäkkä cäyelü ixtimalı aldında qaldıra. Sişämbegä qarşı bulğan xällär İnguşetiä öçen täwge tügel. Aprilneñ 6-sında anda prezident Morat Zäzikovqa höcüm yasalğan ide. Rusiä citäkçelege isä monı çäçän suğışçılarınıñ tirädäge töbäklärdä qurqu xisen taratu teläge belän añlata. Sişämbedä İnguşetiädä bulıp kitkän prezident Putin bu uñaydan menä närsä di:
Audio, Vladimir Putin
Putinneñ Könyaqtağı wäkile Vladimir Yakovlev älege fikerne tağın da tiränäytä, anıñ süzlärenä qarağanda, çäçännär şul höcümnär yardämendä, üzlärenä xalıqara iğtibarnı arttırırğa, kübräk aqça cälep itärgä omtıla. Mäskäwdäge Etnopolitik häm töbäk tikşerenüläre üzäge mödire Vladimir Mukomel dä, İnguşetiä höcümnäre artında çäçän qarşılığı toruı turında belderä häm alarğa, yäğni Mäskäwgä qarşı torğan çäçän xäräkätenä, üzeneñ şuşı töbäktä haman da xälitkeç rol'' uynawın kürsätü kiräk, höcümnär şul maqsatta yasaldı dip añlata.
Audio, Vladimir Mukomel
Vladimir Mukomel İnguşetiä höcümnäre çäçän suğışınıñ yaña çorğa kerüen añlatmıy dip uylıy, läkin niçek kenä bulmasın, prezident Putin töbäkkä östämä ğäskär cibärü häm höcüm öçen cawaplı ğısyançılarnı yuq itü ämeren birde. Andağı federallar yaña höcümnär kötep yäşi.
Kärim Kamal