Taliban äğzaläre buluda şiklänelgän ber törkem qorallanğan suğışçılar – könyaq Äfğanstanda - ildä sintäbr ayında uzaçaq saylawlarğa terkälgän berniçä keşene üterde. Äfğan räsmiläre belderüençä höcüm comğa könne bulğan. Ülüçelär sanı turında tögäl mäğlümat yuq. Eçke Eşlär ministrlığı köçläreneñ Uruzgandağı xärbi citäkçese Nazari, radiobıznıñ äfğan redaksiäsenä menä närsälär belderde: "Taliban suğışçıları atna kiç könne Çaka Goy'ğa yulnı yaptı, alar 15 -16 keşene qulğa aldı. Alar arasında İrannan qaytıp barğan äfğannar, Xas Uruzgan töbägennän 3 uqıtuçı, provinsiä başqalası Tarin Kowt'tan berniçä keşe bar ide. Taliblar barısın da diärlek ütergän, ber genä keşe qaçıp qotılğan. Näq şul keşe Xas Uruzganğa kilep höcüm turında äytkän dä inde" dide provinsiädäge eçke eşlär ministrlığı wäkile.
Kiçä genä könçığış Äfğanstanda saylawlarnı äzerlägän xatın-qızlar utırğan avtobusta bomba şartlağan ide. Alarnıñ ikese hälak buldı, 13 keşe – cärähätlär aldı.
