Çirattağı şimbä matbuğat küzätüe tapşıruında “Mäğärif” jurnalınıñ 6 sanına küzätü tıñlarsız. Mikrofon aldında äñgämädäşebez pedagogika fännäre doktorı, professor, Tatarstannıñ atqazanğan fän eşleklese, pedagogika fäne buyınça bik küp kitaplar, däresleklär avtorı häm kürenekle ğalim Änwär Xuciäxmätov. Änwär äfände, äydägez bergäläşep “Mäğärif” jurnalınıñ iyün sanına küzätü yasıyq äle. Änwär Xuciäxmätov:Mäğlüm bulğança, soñğı yıllarda ilebezdä mäğärif sistemasın modernizatsiäläwneñ iñ möhim yünäleşe bulıp profil'le uqıtuğa küçü tora. Şul profil'le uqıtu turında tulıraq itep söyläp kitegez äle. Profil'le uqıtu ul, mäktäplärdäge ölkän sıynıf uquçıların tege yäisä bu belgeçlekkä äzerläw protsessı.Bu uñaydan tieşle konssepsiä tözelde, bazis uqıtu planı raslandı. Xäzer mäktäplärdä profil'le belem birü buyınça eksperiment alıp barıla, pedagogik kollektivlarda, mäğärif uçrejdenielärendä bu turıda söyläşülär ütkärelä. Häm menä “Añ- belem häm eş-ğamäl” rubrikasında birelgän Rossiä federatsiäse mäğärif häm fän ministrlığı federal' xezmätläre citäkçese Viktor Bolotovnıñ “Profil'le uqıtuğa küçü ni öçen kiräk?”- digän mäqäläsendä ölkän klasslarda profil'le uqıtuğa küçüneñ maqsatları, anıñ perspektivaları turında täfsilläp yaza. Şul uq yünäleştä KDPUnıñ algebra kafedrası dotsentı, fizika-matematika fännäre kandidatı Läylä Sälexovanıñ “Fänne ike teldä uqıtu”dip atalğan yazmasında bilgeläp ütelgänçä,“ ike teldä uqıtu mäktäptä häm yuğarı uqu yortında çit tellärne näticäle üzläşterergä mömkinlek birä. İke teldä uqıtu Germaniä, Aqş, Kanadada h.b. çit illärdä, şulay uq Rossiädä dä kiñ tarala.” Şuşı uq rubrikada Tübän Qama şähärendäge 15нче mäktäp direktorı Viktor Orlovnıñ “Psixologik- pedagogik diagnostika”, TUBKİ metodistı Färidä Säläxovanıñ “Komp'yuter texnologiäse yärdämendä” dip atalğan fänni metodik yazmaları täqdim itelä. Yäşel Üzän şähäre tatar gimnaziäse uqıtuçısı Zemfira Säläxiewanıñ “İcadi üseş texnologiäse häm bala sälämätlege” digän mäqäläse uqıtuçılar öçen genä tügel, ata-analar öçen dä bik faydalı bulır dip uylıym. (sitatanı Mälikä Basıyr uqıy.) “İcadi üseş texnologiäse, belem alu protsessı belän berrättän, aqıl xezmäte kul'turası häm dissiplinası tärbiäli. Uquda uñışlarğa niçek ireşelgänen töşenderä, balalarnı üz- üzlärenä häm üzara kontrol' yasarğa öyrätä. Tırışıp eşläw, yaxşı näticälärgä ireşü balada ğäm'sezlekkä tüzep tora almaw ğädäte tärbiäli. İcadi üseş texnologiäse uqırğa teläk, ilham, awırlıqnı ciñep çığu şatlığı birä. Ä bolar üz çiratında uñay xis tudıra. Alar nerv sistemasına uñay yoğıntı yasıy. Dimäk, bala därestä teläp eşli, şaqtıy qatlawlı problemalarnı çişä, arımıy, talçıqmıy, anıñ sälämätlegenä zıyan kilmi.”sitata tämam. Tuğan tel häm ädäbiät” rubrikasında uqıtuçı-ostazlar öçen şaqtıy ğına ähämiätle materiallar urın alğan. Alabuğa DPU dotsentı Filüs Ğallämovnıñ “Sintaksik häm punktatsion” analiz mäqäläse, minemçä, ayıruça iğtibarğa layıq.Çönki ul mäqälä uqıtuçılarğa ğına tügel , studentlarğa da bik zur yärdäm. Respublikada 2 distädän artıq yuğarı häm maxsus pedagogik belem birü yortlarında 50 meñnän artıq student uqi. Ğomumän bu “Mäğärif” jurnalı studentlarnıñ iñ yaqın dustı bulıp tora.Häm alar anı bik teläp aldıralar da.Qama Tamağı rayonınıñ Olı Saltıq urta mäktäbe uqıtuçısı, şul uq waqıtta tatar tele häm ädäbiät uqıtuçılarınıñ rayon metodik berläşmäsen citäkläwçe Miläwşä Ğaläwiewanıñ M. Latıyfullinnıñ “Qurayçı malay” xikäyäsen öyränü dip atalğan metodikası tatar tele häm ädäbiätı uqıtuçılarına bik faydalı bulır. Änwär äfände , ä menä şuşı mäktäptän sezneñ KDPUğa uqırğa kergän studentlar barmı?Älbättä bar. Alar şaqtıy ğına . Alar üzläreneñ töple , tirän belemle buluları, tärtiple, tärbiäle häm mäğnäle buluları belän ayırılıp toralar. Şunsın da äytergä kiräk, Miläwşä xanım Ğaläwiewa kebek tanılğan uqıtuçı metodistlar, ostazlar respublikabızda bik küplär , alar yözlägän. Mäğärif jurnalınıñ bu sanı da eçtälekle, uqıtuçılarğa, metodistlarğa ğına tügel, ä ata-analarğa da , kiñ cämäğätçelek öçen dä bik faydalı bulır digän tulı ışanıçım bar.”Xörmätle radio tıñlawçılar! Şuşınıñ belän bez çirattağı matbuğat küzätüen tämamlıybız.Sez “Mäğärif” jurnalınıñ 6 sanı turında pedagogika fännäre doktorı, professor, Tatarstannıñ atqazanğan fän eşleklese, pedagogika fäne buyınça bik küp kitaplar, däresleklär avtorı kürenekle ğalim Änwär Xuciäxmätovnı tıñladığız. Tapşırunı alıp bardı Mälikä Basıyr, Qazan.