Accessibility links

Кайнар хәбәр

Başqortsanda xatın qızlar arasında eşsezlek


Programmabıznıñ xatın-qızlarğa ayrılğan bu öleşendä bez Rusiädä ayrım alğanda tatar-başqort xatın qızları arasında eşsezlek problemasın urınnardağı xabärçelärebez aşa öyränep sez möxtäräm tıñlauçılarıbızğa işetterergä buldıq. Ufadağı xabärçebez Rämzit Abulayev äzerläp cibärgän yazmadan elek Fx könbatış illärendä eşsezlekkä säbäp bulğan Yevropaillärendä dä Amerikada da säyäsätçelär cämäğätçelek tä arta barğan sanda şirkätlärneñ arzanlı illärgä küçep kitüe häm monıñ näticäsendä eşsezlekneñ artuına nıq borçıla. Eşsezlek bügen in qaynar säyäsi tema Amerikada küp kenä şirkätlärneñ Hindistan, Meksiko,Qıtay kebek illärgä küçep kitüe häm tendänsiäneñ däwam itüe turında uzğan tapşırularıbızda äytep ütkän idem. Bilgele bulğança AQŞlarında noyäberdä prezident saylawları bulaçaq. Demokratlar namzäte John Kerryneñ iqtisad programması ähämiät üzägendä tora. Analitiklar fikrençä Kerryneñ säyäsäte öylär satıp alunı arttıraçaq, mäktäplärneñ xäle yaxşıraçaq, xästäxänälärdä medsistralar qıtlığın ciñeläytäçäk. Bu isä üz çiratında tözüçelär, uqutuçılar häm xästäxänä xezmätkärlärenä yaña eş urınnarı digän süz bulıp tora. Sälämätlek saqlaw, mäğarif, xökümät, yort tözü häm strahofka sektorları Kerry inisiativasınnan nıq faydalançaq digän nätiäcägä kilä Challenger Gray häm Christmas şirkäteneñ ütkärgän tikşerenülär. Yevropağa kilgändä , iqtisadta Yevropanıñ lokomotive dip qaralğan Germaniädä ekonomika sonğı yıllarda bik aqrın qımıldıy, torğınılqta , eşsezlär sanı arta bara. May başında Yevropa Berlegenä yarlıraq häm arta qalğanraq 10ilneñ äğza buluı , eşsezlär sanı artaçaq digän qurqularnı arttırdı.Kön sayın kiñ küläm mätbuğat çaralarında tanılğan zur şirkätlärneñ aqça ekonomiäläw mäqsatında xezmät xaqı tübän illärgä küçenüe turında xabärlär işetep torabız. Polşa, Baltıyq illäre Slovakiä kebek Berlekkä yaña ğına äğza bulğan illär xäzerdän ük artaçaq xezmät xagı säbäple eş urınnarın Rumıniä Moldava kebek arzanraq illärgä yuğaltaçaqbız dip borçıla başladılar.Berlek illäre , yaña äğza illärdän arzanlı eş qullarınıñ üzlärenä küçep kilüen tuqtatu öçen waqıtlı çikläwlär quydı. Misal öçen Germaniädä eş urınnarın saqlap qalu , şirkätneñ yaña arzanlı ilgä küçep kitmäwe öçen eşçelär şuluq aqçağa ozaqraq waqıt eşlärgä riza buldı. Menecerlar yuğarı mäqaşların kimette. Şulay itep Siemens , Mercedes Benz kebek tanılğan zur şirkätlär eş urınnarın Germaniädä saqlap qaldı.. Çit il investitsiläre yaña eş urınnarın üzenä cälep itüdä ike il bigräk tä uñışlı buldı. Qıtay wä Hindistan .Üzäk Aziä, Kafkaz,Qazaxstan , Azerbaycan , xätta Tatarstan Başqotstan kebek illärdä dä xezmät xaqı tübän .Ämma bu ğına citärlek säbäp tügel. Londonda urnaşqan Rekonstruksiä häm Täräqiät bankı baş ekonomistınıñ urınbasarı Steven Fries fikrençä, bizenes möhitı belän bäyläneşle aspektlar ,bizenes qağıydälärenıñ sıyfatı häm yışqına korrupsiä belän bäyläneşle problemalar säbäple bu illär qatmarlı urınnar bulıp qala. Tömän, Udmurtiädäge xabärçelärebez eşsezlärneñ yaqınça 70%n xatın qızlar täşkil itä dip äytkän ide. Min Ufadağı xabärçebez Rämzit Abulayevqa möräcäğät ittem(audio) färide xämit,praga
XS
SM
MD
LG