Ğiraqta ilneñ säyäsi häm dini yulbaşçıların cıyğan 3 könlek ilküläm konferensiä – Än-Nacaf häm başqala Bağdadtağı yaña köç qullanu belän bilgelände. Cıyın Bağdadnıñ "yäşel zona" dip atalğan şähärneñ çağıştırmaça imin öleşendä ütsä dä bügen biredä şartlawlar yañradı. Konferensiägä qatnaşqan ber meñ 300gä yaqın delegat – Ğiraq Milli Şurasına keräçäk 100 äğzaneñ 81en saylarğa tieş. Şulay uq köntärtibendä – iminlek, demokratik reformalar, ilne tözekländerü häm keşe xoquqları kebek möhim mäs''älälär tora.
Berläşkän Millätlär Oyışması general sekratere Kofi Annan''nıñ maxsus wäkile Äşräf Qazi, konferensiädä qatnaşuçılar aldında çığış yasap – sezneñ eşegez – Ğiraqnıñ kiläçäge öçen zur ähämiätkä iä dip belderde: "İlne 2005neñ 31 Ğinwarında uñışlı saylawlarğa, häm şul uq yıl azağına konstitusion demokratiägä kiterü öçen – sezneñ eşegez bik möhim", dide Qazi.
Ğiraqnıñ waqıtlı premyer-ministrı İyad Allawi, delegatlarnıñ cıyılıp sişämbe könne tawış biräçägen – "Saddam çorınnan soñğı demokratik Ğiraq tözü eşeneñ berençe adımı" dip bäyälde.
Şul arada Nacaf şähärendä Moqtada as-Sadrnıñ Mähdi ğaskärläre häm Quşma Ştatları citäkçelegendäge xärbi köçlär belän Ğiraq köçläre arasında bäreleşlär däwam itte.
Ğiraq polisiäseneñ Nacaftan çığıp kitü taläbenä qaramastan şähärdä qalğan Frans Press agentlığı jurnalistı Nacafta tank häm mıltıqtan atu tawışları işetelä, dip xäbär itte. Şulay uq şiğilärneñ izge urını sanalğan İmam Ali mäçete tiräsendä dä qara töten kürergä mömkin.
Kiçä kiçke säğatlärdä Ğiraqnıñ Milli İminlek başlığı Mowaffaq Al-Rubaie, Än-Nacafta tınıçlıq urnaştıru turında söyläşülär uñışsız tämamlandı, dip belderde. Anıñ süzlärenä qarağanda tizdän Ğiraq xökümät köçläre "çistartu" dip atalğan xärbi çaralar başlıyaçaq, maqsatı – qarşı torğan ğısyançılarnı yuq itü: "Ğiraqta qanun häm tärtip urnaştıru – xökümätneñ töp burıçı. Nacafta häm başqa şähärlärdä tärtip häm qanun buldırır öçen kiräk bulğan här närsäne eşliäçäkbez," dide Al-Rubaie.
Än-Nacafta bäreleşlär alıp barğan As-Sadr wäkilläre dä Bağdadtağı ilküläm cıyınğa çaqırılğan ide, ämma alar kilmäde. Şiğilärneñ başqa wäkilläre bar. Cıyında qatnaşqan jurnalistlar, başqaladağı "imin zona" yanında kimendä 5 şartlaw işetelde, ğısyançılar raketadan ut açqan dip farazlana. Raketa höcümendä "imin zonanıñ" tışında kimendä 1 ğiraqlı hälak bulğan. Alsu Qormaş, Praga
Kiçä kiçke säğatlärdä Ğiraqnıñ Milli İminlek başlığı Mowaffaq Al-Rubaie, Än-Nacafta tınıçlıq urnaştıru turında söyläşülär uñışsız tämamlandı, dip belderde. Anıñ süzlärenä qarağanda tizdän Ğiraq xökümät köçläre "çistartu" dip atalğan xärbi çaralar başlıyaçaq, maqsatı – qarşı torğan ğısyançılarnı yuq itü: "Ğiraqta qanun häm tärtip urnaştıru – xökümätneñ töp burıçı. Nacafta häm başqa şähärlärdä tärtip häm qanun buldırır öçen kiräk bulğan här närsäne eşliäçäkbez," dide Al-Rubaie.
Än-Nacafta bäreleşlär alıp barğan As-Sadr wäkilläre dä Bağdadtağı ilküläm cıyınğa çaqırılğan ide, ämma alar kilmäde. Şiğilärneñ başqa wäkilläre bar. Cıyında qatnaşqan jurnalistlar, başqaladağı "imin zona" yanında kimendä 5 şartlaw işetelde, ğısyançılar raketadan ut açqan dip farazlana. Raketa höcümendä "imin zonanıñ" tışında kimendä 1 ğiraqlı hälak bulğan. Alsu Qormaş, Praga