Bu könnärdä, här cirdägeçä, Başqortstanda da yaña uqu yılına äzerlek tämamlanıp kilä. Republík citäkçeläre rayonnarda häm şähärlärdä eş säfärläre waqıtında yaña mäktäplär açu tantanalarında qatnaşa. Misal öçen, 26 - 27 august könnärendä prezident Mortaza Räximov belän premier – minister Rafael Baydäwlätov Beloret häm Kügärçen rayonnarında, Kümertaw şähärendä bulıp yaña mäktäplär häm başqa yaña binalar açıp yörde. Başqortstan telewideniese şuşı küñelle waqíğalar turında reportajlarnı säğäte – minutı belän digändäy efirğa çığara bardı. Şul reportajlarnı qarağanda, Ufadağı 65 nçe sanlı tatar gimnazísı citäkçelegeneñ häm uqıtuçılarınıñ ğına küñele qırılğandır, möğäyen. Küñel qırılırlıq säbäplär dä bar şul.
Elegräk tä xäbär itelüençä, Ufadağı 65 nçe sanlı tatar gimnazísında bıltır köz aylarında ike yaña bina – yanqorma tözü eşläre başlanğan ide. Republík prezidentın saylaw aldınnan, xakímítlar andağı eşlärneñ bıyılğı uqu yılına uq tämamlanaçağın wäğdä itte ul çaqta. Ämma älege wäğdä ütälmäde häm ul kiläse uqu yılına ütälsä dä, räxmät äyterseñ. Bu xaqta gimnazí direktorı Räşidä Xarítonowa «Azatlıq» radíosı xäbärçesenä açıqtan – açıq äytte. Biredä bügenge köndä tözeleş eşläre bötenläy dä barmí disäñ dä bula. Tözeleşneñ aqrın baruına älege dä bayağı aqça häm tözeleş materialları citmäw säbäpçe. Qayberäwlär mondí xälne aldan uq farazlağan ide. Tatar gimnazísı bulğaç, biregä iğtibar da şulqädär genä bulaçaq dip belderde republíktağı tatar milli xäräkäte citäkçeläre. Ufadağı tatar gimnazísı tözeleşe belän dä başqaladağı «Nur» tatar teaterı belän bulğan xäl qabatlanuı ixtimal. «Nur» teaterı binasın da, tantanalı aça – aça, un yıl tözilär inde.
Başqaladağı tatar gimnazísı direktorı Räşidä Xarítonowa yaña uqu yılı aldınnan käyeflärneñ bik şäp bulmawın äytep, balalarıbız öçen küzläremnän genä tügel, ä yörägemnän qaynar yäşlärem tama, dip belderde. Anıñ süzlärençä, gimnazída tözeleş tä barmí, şul uq waqıtta tözeleş çüp – çarı belän gimnazínıñ ixatası da tulğan. Xäzer balalarğa fizkultur däreslärenä çığarğa urın da qalmağan. Mäktäpneñ iske binasına ike meterlıq tar ğına aradan kerep yörergä turı kiläçäk.
– Ber atna elek min Başqortstan witse – premierı Xäläf İşmoratovta bulğan idem, – di Räşidä xanım. – Aña gimnazí tözeleşendäge qíınlıqlar, finanslar bulmaw turında söylädem. Xäyer, finanslar bulmawın ul üze dä bik yaxşı belä. Ämma Xäläf äfände gimnazí tözeleşen däwam itärgä aqçalarnıñ qayçan bülenäçäge turındağı sorawğa cawap birä almadı. Bu mäsälä haman da açıq qala äle, dip kenä äytte xökümät başlığı urınbasarı.
«Ägär citärlek aqça bülsälär, gimnazínıñ yaña binaların bu yıl azağına ölgertep tä bulır ide, – dip ömetlänä, Räşidä Xarítonowa. – Ämma finanslar tätemäsä, yaña binalarnıñ kiläse yılğa da ölgermäwe bar. Tözeleş eşläreneñ tuqtalıp qaluına käyeflärebez qırılsa da, gimnazí uqıtuçıları bıyılğı uqu yılında balalarğa yaxşı belem birü öçen tulısınça äzer. Gimnazínıñ danı da yıladn – yıl arta. Bıyıl berençe sínıfqa başqa yıllardan ike tapqır kübräk bala qabul ittek», – di Räşidä xanım.
(yazma)
Sez Ufadağı 65 nçe sanlı tatar gimnazísı direktorı Räşidä Xarítonowa fikerlären işettegez. Qısan häm uñaysız şartlarda eşläsä dä, biredäge möğällimnär balalarğa töple belem birä häm alarnıñ törle sälätlären açuçı icadi tügäräklärne alıp bara. Bu atnada gimnazíğa Mäskäwdän çirattağı ber şatlıqlı xäbär kilde. Rusiä Federasísınıñ Mäğärif häm fän ministerlığı qararı belän Ufadağı 65 nçe sanlı tatar gimnazísınıñ «Çiäle» dip isemlängän vokal – folklor ansamblenä «Ürnäkle balalar kollektífı» digän maqtawlı isem birelgän. Tatar gimnazísında «Çiäle» ansamble kebek ük uñışlı eşläp kilüçe başqa ícat tügäräkläre dä bar. Süz dä yuq, sälätle balalar uqí biredä. Ämma älegä alarnıñ şul sälätlären tağın da üsterü öçen irken häm uñaylı şartları ğına citmi.
Elegräk tä xäbär itelüençä, Ufadağı 65 nçe sanlı tatar gimnazísında bıltır köz aylarında ike yaña bina – yanqorma tözü eşläre başlanğan ide. Republík prezidentın saylaw aldınnan, xakímítlar andağı eşlärneñ bıyılğı uqu yılına uq tämamlanaçağın wäğdä itte ul çaqta. Ämma älege wäğdä ütälmäde häm ul kiläse uqu yılına ütälsä dä, räxmät äyterseñ. Bu xaqta gimnazí direktorı Räşidä Xarítonowa «Azatlıq» radíosı xäbärçesenä açıqtan – açıq äytte. Biredä bügenge köndä tözeleş eşläre bötenläy dä barmí disäñ dä bula. Tözeleşneñ aqrın baruına älege dä bayağı aqça häm tözeleş materialları citmäw säbäpçe. Qayberäwlär mondí xälne aldan uq farazlağan ide. Tatar gimnazísı bulğaç, biregä iğtibar da şulqädär genä bulaçaq dip belderde republíktağı tatar milli xäräkäte citäkçeläre. Ufadağı tatar gimnazísı tözeleşe belän dä başqaladağı «Nur» tatar teaterı belän bulğan xäl qabatlanuı ixtimal. «Nur» teaterı binasın da, tantanalı aça – aça, un yıl tözilär inde.
Başqaladağı tatar gimnazísı direktorı Räşidä Xarítonowa yaña uqu yılı aldınnan käyeflärneñ bik şäp bulmawın äytep, balalarıbız öçen küzläremnän genä tügel, ä yörägemnän qaynar yäşlärem tama, dip belderde. Anıñ süzlärençä, gimnazída tözeleş tä barmí, şul uq waqıtta tözeleş çüp – çarı belän gimnazínıñ ixatası da tulğan. Xäzer balalarğa fizkultur däreslärenä çığarğa urın da qalmağan. Mäktäpneñ iske binasına ike meterlıq tar ğına aradan kerep yörergä turı kiläçäk.
– Ber atna elek min Başqortstan witse – premierı Xäläf İşmoratovta bulğan idem, – di Räşidä xanım. – Aña gimnazí tözeleşendäge qíınlıqlar, finanslar bulmaw turında söylädem. Xäyer, finanslar bulmawın ul üze dä bik yaxşı belä. Ämma Xäläf äfände gimnazí tözeleşen däwam itärgä aqçalarnıñ qayçan bülenäçäge turındağı sorawğa cawap birä almadı. Bu mäsälä haman da açıq qala äle, dip kenä äytte xökümät başlığı urınbasarı.
«Ägär citärlek aqça bülsälär, gimnazínıñ yaña binaların bu yıl azağına ölgertep tä bulır ide, – dip ömetlänä, Räşidä Xarítonowa. – Ämma finanslar tätemäsä, yaña binalarnıñ kiläse yılğa da ölgermäwe bar. Tözeleş eşläreneñ tuqtalıp qaluına käyeflärebez qırılsa da, gimnazí uqıtuçıları bıyılğı uqu yılında balalarğa yaxşı belem birü öçen tulısınça äzer. Gimnazínıñ danı da yıladn – yıl arta. Bıyıl berençe sínıfqa başqa yıllardan ike tapqır kübräk bala qabul ittek», – di Räşidä xanım.
(yazma)
Sez Ufadağı 65 nçe sanlı tatar gimnazísı direktorı Räşidä Xarítonowa fikerlären işettegez. Qısan häm uñaysız şartlarda eşläsä dä, biredäge möğällimnär balalarğa töple belem birä häm alarnıñ törle sälätlären açuçı icadi tügäräklärne alıp bara. Bu atnada gimnazíğa Mäskäwdän çirattağı ber şatlıqlı xäbär kilde. Rusiä Federasísınıñ Mäğärif häm fän ministerlığı qararı belän Ufadağı 65 nçe sanlı tatar gimnazísınıñ «Çiäle» dip isemlängän vokal – folklor ansamblenä «Ürnäkle balalar kollektífı» digän maqtawlı isem birelgän. Tatar gimnazísında «Çiäle» ansamble kebek ük uñışlı eşläp kilüçe başqa ícat tügäräkläre dä bar. Süz dä yuq, sälätle balalar uqí biredä. Ämma älegä alarnıñ şul sälätlären tağın da üsterü öçen irken häm uñaylı şartları ğına citmi.
