Maxsus xezmät mäğlümätlärençä, terror ğämälen başqaruçılar İzrailgä näq şunnan kilgän. Terror ğämälendä 16 keşe hälaq buldı. 80 nän artıq keşe yaralandı. Sişämbe könne intixar terrorçılar Beyer Şeba şähärendä ike autobusnı şartlatı. Bu ğämäl öçen cawaplılıqnı “Hämäs” törkeme üz östenä aldı. Alar izrail raqetaları xöcümendä üterelgän törkem citäkçeläre şäyex Äxmäd Yässin häm Abdel Aziz Rantissi öçen üç aluların belderä. İzrail premer ministrı Ariel Şaron bolay dide: “İzrail terror belän köräşüne däwam itä. Bu bezneñ planlaşıtırılğan Ğazadan kitüebez belän ber niçek tä bäylänmägän. Barı tik ber genä äyber bar- intixar terrorçılar. Häm bez mömkin bulğan barça yullar belän dä alarğa qarşı köräşäçäkbez”.
