Afina. Gretsiä premyer-ministrı Costas Karamanlis, Aleksandriä patriarxınıñ üleme säbäple ilneñ saqlanu ministrı bügen xärbi hawa köçläre başlığınıñ eşennän kitüen ütende dip belderde. Premyer, şundıy uq üteneçne ministr üze dä yasadı, läkin min monı kire qaqtım dip äytte. Aleksandriä häm bar Afrika patriarxı Petros kiçä, üze utırğan boralaqnıñ tönyaq Gretsiädäge Afon tawınnan 30 çaqrım yıraqlıqta qazağa oçrap diñgezgä kilep töşüe näticäsendä hälak buldı. Anıñ belän bergä boralaqta tağın 16 keşe bulğan. Qotqaru eşläre isä boralaq radardan yuğaluğa ike säğät ütkäç kenä başlanğan.
